सोनई : शनिदर्शन व लग्नाच्या मोठ्या तिथीमुळे आज शिंगणापुर-राहुरी रस्त्याला दिवसभर वाहतुक कोंडीची साडेसाती सहन करावी लागली. तीन दिवसात चार लाख भाविकांनी दर्शनाचा लाभ घेतला. कोरोना संसर्गामुळे शनिमंदीर आठ महिने बंद होते.
दिवाळीच्या पाडव्याला मंदीराचे दार उघडले. सुरुवातीच्या पंधरा दिवस गर्दीचा ओघ कमी होता. मात्र, एकतीस डिसेंबरपासून कोरोना संसर्गाचा धोका झुगारून गर्दी सुरु झाली आहे. काल शनिवारी (ता. 2) रोजी एक लाखाहून अधिक भाविकांनी स्वयंभू शनिमुर्तीचे दर्शन घेतले.
मोठी लग्नतिथी व शनिभक्तांच्या वाहनामुळे उंबरे, पिंप्रीअवघड, ब्राम्हणी, वंजारवाडी, सोनई व शिंगणापुरात अनेकदा वाहतुक कोंडी झाली. गर्दीचा फायदा म्हणुन गावात व रस्त्यावर दोनशेहून अधिक लटकू कार्यरत होते. दर्शनपथ अनेकदा गर्दीने हाऊसफुल्ल झाले होते. शिर्डी- शिंगणापुर बेकायदा प्रवासी वाहतुक दोन दिवसांपासून दिमाखात सुरु झाली आहे.
भाविकांची अडवणूक करत असलेल्या लटकूंबाबत कठोर कारवाई सुरु केली आहे. प्रवासी करनाक्‍यावर कायमस्वरूपी बंदोबस्त ठेवून सीसीटीव्ही फुटेज पाहून कारवाई केली जाईल.- सचिन बागुल, सहायक पोलिस निरीक्षक.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.