नगर ः गोपाळवाडी- चेडगाव (ता. राहुरी) येथील जिल्हा परिषद शाळेतील शिक्षक नारायण चंद्रकांत मंगलाराम यांना राष्ट्रीय पुरस्कार जाहीर झाला आहे. जिल्ह्याला सलग तिसऱ्या वर्षी हा पुरस्कार मिळाला आहे.
शिक्षक दिनानिमित्त 5 सप्टेंबरला राष्ट्रीय पुरस्कारांचे वितरण होते. या वर्षीच्या पुरस्कारार्थींची नावे आज जाहीर करण्यात आली. त्यात गोपाळवाडी- चेडगाव (ता. राहुरी) येथील जिल्हा परिषद शाळेतील शिक्षक नारायण मंगलाराम यांची या पुरस्कारासाठी निवड झाल्याचे जाहीर झाले. यापूर्वी सलग दोन वर्षे विक्रम अडसूळ व डॉ. अमोल बागूल यांना हा पुरस्कार मिळाला होता.
मंगलाराम गेल्या 17 वर्षांपासून काम करीत असून, त्यांना आतापर्यंत राज्य प्राथमिक शिक्षक समितीचा "जिल्हा गुरुगौरव' व अगम सोशल असोसिएशनचा तालुकास्तरीय आदर्श शिक्षक पुरस्कार मिळाला आहे. अध्यापनात चित्रकलेचा वापर, तसेच माहिती- तंत्रज्ञानाचा वापर करून ते अध्यापनावर विशेष भर देत असतात.
बालसृष्टी या भित्तिपत्रकातून विद्यार्थ्यांना कविता, कथा, चित्र रेखाटण्यासाठी ते नेहमीच प्रोत्साहन देत असतात. विविध महापुरुषांच्या जयंती- पुण्यतिथीनिमित्त शाळेत वक्तृत्व, निबंध स्पर्धांचे आयोजन करून मुलांना अभिव्यक्त होण्याची संधी मिळवून देतात. या कार्यामुळे त्यांची राष्ट्रीय पुरस्कारासाठी निवड झाली. अहमदनगर
संपादन - अशोक निंबाळकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.