राज्यातील राजकीय वर्तुळात मागील काही दिवसांपासून राष्ट्रवादीचे नेते अजित पवार यांच्या नावाची चर्चा सुरू आहे. ते भाजपमध्ये दाखल होणार याची चर्चा सुरू असतानाच अहमदनगरचे माजी पालकमंत्री आणि भाजपचे आमदार राम शिंदे यांनी मोठा निर्णय जाहीर केला आहे.

राम शिंदे यांनी आपण लोकसभा निवडणूक लढवण्यास इच्छूक असल्याचे त्यांनी जाहीर केले आहे. शिंदे यांनी ही इच्छा व्यक्त केल्याने अहमदनगर जिल्ह्यातील राजकीय वर्तुळात मात्र चर्चांना उधाण आलं आहे.

राम शिंदे काय म्हणाले?

डॉ. सुजय विखे पाटलां निवडूण आणण्यासाठी पालकमंत्री म्हणून माझ्यावर जबाबदारी होती. तेव्हा ती पार पाडली.दुसऱ्यांदा देखील मी नकार दिला होता. परंतु २०२४ च्या निवडणूकीत मी विधानसभा लढवणार आहे. पण मनाची तयारी ठेवली आहे की परिस्थिती आली तर लोकसभा देखील लढवायची. पक्षाचा आदेश पाळणारा मी कार्यकर्ता असल्याने आता यावेळी एक वर्षभराच्या तयारीनीशी लोकसभा लढवण्यासाठी देखील तयार आहे असे राम शिंदे म्हणाले आहेत.

भाजपने मला पूर्वी राज्यसभेवर पाठविण्याची तयारी केली होती. मात्र, पुढे काही कारणामुळे ते राहून गेले. त्यानंतर २०१४ मध्ये मी लोकसभेसाठी इच्छूक होतो. तेव्हाही उमेदवारी मिळाली नाही. आता २०२४ ला मी तयारीशी उतरणार आहे, असे शिंदे यांनी सांगितले.

दरम्यान शिंदे यांनी ही निवडणूक लढविण्यासाठी इच्छूक असल्याचे सांगीतल्याने मोठी राजकीय खळबळ उडवून दिली आहे. राम शिंदेंच्या या घोषणेमुळे भाजपचे खासदार डॉ. सुजय विखे यांची जागा धोक्यात येणार का? हा प्रश्न देखील विचारला जात आहे.