नगर : विद्युत जोडणी व मिटरसाठी तक्रारदाराकडून चार हजार रुपयांची लाच स्वीकारल्याच्या आरोपावरून महावितरणच्या सहायक अभियंत्याला लाच लुचपत प्रतिबंधक विभागाच्या पथकाने रंगेहाथ पकडले. ही कारवाई भावळणी येथील महावितरण कार्यालयात घडली.
भाऊसाहेब गोविंद पगारे (वय 44, रा. शिवनगर, पाइपलाइन रोड, सावेडी) असे त्या सहायक अभियंत्याचे नाव आहे. अधिक माहिती अशी, तक्रार व त्याच्या मित्राने जामगाव येथे एकत्रित पोल्ट्रीचा व्यवसाय सुरू केला आहे. त्या ठिकाणी विद्युत जोडणी घेण्याकरिता त्यांनी फेब्रुवारीमध्ये ऑनलाईन कोटेशन भरले होते. त्यानंतर भाळवणी येथील महावितरणच्या कार्यालयाकडे वारंवार विद्युत जोडणी व मिटरची मागणी केली. परंतु, विद्युत जोडणी करून दिली नाही.
तक्रारदाराने आज सहायक अभियंता भाऊसाहेब पगारे यांची भेट घेतली असता त्यांनी मिटर देण्यासाठी पाच हजारांची मागणी केली. तडजोडीअंती चार हजार देण्याचे ठरले. भाऊसाहेब पगारे यांना तक्रारदाराकडून चार हजार रुपयांची लाच स्वीकारताना लाचलुचपत प्रतिबंधक विभागाच्या पथकाने पकडले.
रात्रीपर्यंत पारनेर पोलिस ठाण्यात गुन्हा दाखल करण्याचे काम सुरू होते. दरम्यान, सहायक अभियंता पगारे यांच्याविरुद्ध जानेवारी 2004 मध्येही लाचलुचपत विभागाने कारवाई केली होती. अहमदनगर
संपादन - अशोक निंबाळकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.