संगमनेर ः तालुक्‍यातील वडझरी खुर्द येथील पोहण्यासाठी शेततळ्यात गेलेल्या युवकाचा पाण्यात बुडून मृत्यू झाला. वैभव दत्तू गोरडे (वय 20) असे मृताचे नाव आहे. आज दुपारी तीनच्या सुमारास ही घटना घडली.

वडझरीच्या शिवारातील कवठे कमळेश्वर रस्त्यानजीक संजय गुंजाळ यांच्या मालकीच्या शेतातील शेततळ्यामध्ये पोहण्यासाठी प्रदीप त्याच्या दोन मित्रांसह गेला होता. पाण्यात दोरी फेकून त्यांनी बुडणाऱ्या प्रदीपला वाचवण्याचा प्रयत्न केला. मात्र, दोरी तुटल्याने त्याला पाण्याबाहेर येता आले नाही.

हेही वाचा - टोमॅटोत घुसला व्हायरस

या घटनेची माहिती पोलिस पाटील नानासाहेब सुपेकर यांनी संगमनेर तालुका पोलिसांना दिली. पोलिसांनी घटनास्थळी धाव घेत स्थानिक युवकांच्या मदतीने शेततळ्यातील प्रदीपचा मृतदेह पाण्याबाहेर काढून संगमनेरच्या कॉटेज रुग्णालयात शवविच्छेदनासाठी पाठवला.

पोलिस पाटील सुपेकर यांच्या खबरीवरून संगमनेर तालुका पोलिस ठाण्यात अकस्मात मृत्यूची नोंद करण्यात आली आहे.