दौंड - गार ( ता. श्रीगोंदा , जि. नगर ) दरम्यान भीमा नदीवरील निर्माणाधीन पुलाचे खांब दोन कोसळल्याची घटना घडली आहे. सार्वजनिक बांधकाम विभागाच्या वतीने भीमा नदीवर पुलाचे बांधकाम सुरू आहे. पुलाच्या कामातील वाळू, सिमेंटचा गुणोत्तर मध्ये त्रुटी असल्याचा आरोप आहे. पुलासाठी वापरलेल्या लोखंडी सळयांविषयी देखील तक्रारी होत्या.

सदर पुलाच्या बांधकामाच्या दर्जाविषयी विनायक मगर यांच्यासह गारच्या ग्रामस्थांनी सार्वजनिक बांधकाम विभागाकडे तक्रार केली होती. परंतु प्रशासनाने त्याकडे दुर्लक्ष केल्याचं सांगितले जाते. परिणामी बांधकामाच्या निकृष्ट दर्जामुळे खांब कोसळले. दौंड शहराला गार गाव मार्गे नगर जिल्ह्यातील आर्वी, अजनूज, अनगर, आदी गावे या प्रस्तावित पुलामार्गे जोडली जाणार आहेत.