आळेफाटा: खुण्याच्या गुन्ह्यातील १ वर्षांपासून फरारी असलेल्या आरोपीला आळेफाटा पोलीसांणी केले जेरबंद याबाबत आळेफाटा पोलीस स्टेशन कडुन मिळालेल्या माहितीनुसार आळे (ता.जुन्नर) या ठिकाणी दि. १० - ३-२०२१ रोजी मोहनसिंग ननहकसिंग (वय४०) सध्या राहणार आणे ता.जुन्नर व मुळ गाव मुरमा थाना मेदीनीनगर सतबरवा पलामु राज्य झारखंड याच्या डोक्यात अज्ञात व्यक्तीने सिमेंटचा ब्लॉक ने मारहान करून गंभीर जखमी करून ठार केले होते. याबाबत पोलीस स्टेशन मध्ये गुन्ह्याची नोंद झाली होती.

या गुन्ह्यातील तपास पोलीसांनी चालु केला असताना संशयित आरोपी सुधीर चंपावत जाधव (वय ३८) राहणार विळद जि.अहमदनगर मुळ गाव आरंडगाव ता.संगमनेर हा गुन्हा घडल्यापासुन आळेफाटा परीसरातुन एक वर्षांपासून गायब झाला होता.व त्याच्या गावी दहा ते बारा वेळा पोलीसांणी जाऊन तपास केला असता तो मिळत नव्हता. दरम्यान संशयित आरोपी हा अहमदनगर जिल्ह्यातील एम.आय.डी.सी या ठिकाणी लपून रहात असल्याची माहीती खब-यांकडुन मिळाल्यानंतर पोलीसांणी वेषांतर करून जवळपास चार दिवस या ठिकाणी शोध घेतला असता आरोपी दारू पिण्यासाठी एम.आय.डी.सी. परीसरातील देशी दारूच्या दुकानावर आल्यानंतर त्याला चौकशीसाठी ताब्यात घेतल्यानंतर त्याने केलेल्या गुन्ह्याची कबुली दिली असुन या आरोपीस पोलीसांणी अटक केली आहे.

ही कामगिरी करत असताणा पुणे ग्रामीण चे पोलीस अधीक्षक डाॅ.अभिनव देशमुख,अप्पर पोलीस अधीक्षक मितेश घट्टे,उपविभागीय पोलीस अधिकारी मंदार जावळे यांच्या मार्गदर्शनाखाली आळेफाटा पोलीस स्टेशन चे पोलीस निरीक्षक प्रमोद क्षीरसागर यांणी दिलेल्या सूचनांनुसार पोलीस हवालदार विनोद गायकवाड,भिमा लोंढे,लहानु बांगर,अमित वाळुंजे यांणी केली आहे.