पाथर्डी (अहमदनगर) : स्थानिक गुन्हे शाखा व पाथर्डी पोलिसांनी एकनाथवाडी येथील तुरीच्या शेतात छापा घालून सात गोण्या गांजा जप्त केला, तर दोन शेतकऱ्यांना ताब्यात घेतले. ही कारवाई बुधवारी सकाळी करण्यात आली.
पोलिस उपअधीक्षक सुदर्शन मुंडे, स्थानिक गुन्हे शाखेचे अनिल कटके, पोलिस निरीक्षक रमेश रत्नपारखी यांच्या पथकाने आज सकाळी एकनाथवाडी येथे छापा घातला. नगर व बीडच्या सीमेलगत डोंगराळ भागात तीन शेतकऱ्यांनी गांजाची शेती केल्याचे स्पष्ट झाले. तीन ते पाच फुटांपर्यंत वाढलेली गांजाची झाडे पोलिसांनी जप्त केली. सुमारे सात गोण्या गांजा पोलिसांनी जप्त केला.
एकनाथवाडी येथील दोन शेतकरी पोलिसांनी ताब्यात घेतले आहेत. एकनाथवाडी येथे तीन शेतकऱ्यांच्या शेतांतून पोलिसांनी गांजाची झाडे जप्त केली. स्थानिक गुन्हे शाखेची दोन पथके व पाथर्डीचे पोलिस अधिकारी व कर्मचाऱ्यांनी बुधवारी ही कारवाई केली, असे पोलिस उपअधीक्षक सुदर्शन मुंडे यांनी सांगितले.
संपादन : अशोक मुरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.