Ahmednagar Crime : केडगाव बायपास रोडवरील हॉटेल राधेश्याम या ठिकाणी सुरू असलेल्या वेश्या व्यवसायावर कोतवाली पोलिसांनी छापा टाकला. या कारवाईत वेश्याव्यवसाय चालविणाऱ्यांसह पाच जणांवर गुन्हा दाखल करण्यात आला. त्यात दोघांना अटक करून एका परराज्यातील तरूणीची सुटका करण्यात आली आहे.

केडगाव बायपास रोडवरील हॉटेल राधेश्याम येथे वेश्याव्यवसाय सुरू असल्याची गोपनीय माहिती कोतवाली पोलिस ठाण्याचे निरीक्षक चंद्रशेखर यादव यांना मिळाली.

त्यांच्या पथाकाने तत्काळ हॉटेल राधेश्याम येथे बनावट ग्राहक पाठवून छापा टाकला असता हॉटेलच्या तळघरातील एका खोलीत वेश्या व्यवसाय सुरू असल्याचे उघड झाले. (Latest Marathi News)

त्या ठिकाणी हजर असलेल्या दोघांना नावे विचारली असता आकाश सुभाष गायकवाड (वय २४, रा. भिंगारदिवेमळा, झोपडी कँटीन, अहमदनगर), शहानवाज वहाब हुसेन (वय २१, रा. तपोवन, अहमदनगर) असे सांगितले.

तसेच, हॉटेल मालक सुरज (पुर्ण नाव माहित नाही) यांच्या सांगण्यावरून ग्राहकांकडून पैसे घेवून त्यांना रुम उपलब्ध करुन देऊन महिलेकडून वेश्या व्यवसाय करुन घेत असल्याची कबुली दिली.

या कारवाईत ३३ हजार २३० रुपये किंमतीचा मुद्देमाल जप्त करण्यात आला असून, दोन आरोपींना अटक करण्यात आली आहे. पोलीस हवालदार गणेश धोत्रे यांच्या फिर्यादीवरुन अनैतिक व्यापारास प्रतिबंध सन १९५९ चे कलम ३, ४, ५, ७, ८ प्रमाणे गुन्हा दाखल करण्यात आला.

गुन्ह्याचा तपास पोलीस निरीक्षक चंद्रशेखर यादव करीत आहेत. पोलीस अधीक्षक राकेश ओला, अपर पोलीस अधिक्षक प्रशांत खैरे, उपविभागीय पोलीस अधिकारी अनिल कातकाडे यांच्या मार्गदर्शनाखाली ही कारवाई करण्यात आली.