पारनेर ः शहरातील तहसील कार्यालयासह बसस्थानक परिसरातील अतिक्रमणांवर महसूल विभागाने कारवाई केली. त्यामुळे परिसरात होणारी वाहतूककोंडीची समस्या दूर झाली आहे.
तालुक्यातील 88 ग्रामपंचायतींच्या निवडणुकीसाठी गेली दोन दिवस तहसील कार्यालय परिसरात मोठी गर्दी झाली. त्यामुळे वाहतूककोंडी होत होती. शहराचे प्रवेशद्वार असलेल्या बसस्थानक परिसरातही अतिक्रमणामुळे नेहमी कोंडी होत होती.
तहसील कार्यालय, तसेच बसस्थानक परिसरातील अतिक्रमणधारकांनी स्वत:हून अतिक्रमणे काढावीत, असे आवाहन तहसीलदार ज्योती देवरे यांनी केले होते. काहींनी स्वतःहून अतिक्रमणे काढली. मात्र, काही तशीच होती.
तहसील कार्यालयाला टपऱ्यांचा वेढा पडल्याने कार्यालयात येतानाही अडथळे येत होते. तीच अवस्था बसस्थानकाची होती. मंगळवारी (ता. 29) रात्री उशीरा तहसीलदार देवरे व पोलिस निरीक्षक घनश्याम बळप यांच्या मदतीने प्रथम तहसील कार्यालयाजवळील व नंतर बसस्थानक परिसरातील अतिक्रमणे काढली. त्यामुळे तहसील कार्यालय व बसस्थानक परिसराने मोकळा श्वास घेतला.
अनेकांच्या टपऱ्या धनदांडग्यांच्या होत्या. त्यांनी त्या भाडेपट्ट्यांनी चालविण्यास दिल्या होत्या. त्यामुळे ही कारवाई योग्यच असल्याची चर्चा शहरात होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.