श्रीरामपूर ः शिर्डी येथून औरंगाबादकडे जाणाऱ्या एसटी बसेसवर येथे छत्रपती संभाजीनगर नावाचे फलक लावून औरंगाबादचे शहराचे 26 जानेवारीपर्यंत छत्रपती संभाजीनगर नामकरण करण्याची मागणी येथील मनसेच्या पदाधिकारी आणि कार्यकर्त्यांनी केली आहे.
अन्यथा जिल्हाभर तीव्र आंदोलन करण्याचा इशारा देण्यात आला आहे. यावेळी मनसेचे जिल्हाध्यक्ष बाबासाहेब शिंदे यांच्या नेतृत्वाखाली मनसे कार्यकर्त्यांनी फलकबाजी करीत घोषणाबाजी दिल्या. 26 जानेवारीपर्यंत औरंगाबाद शहराला छत्रपती संभाजी महाराज यांचे नाव देण्याची मागणी मनसेच्या आंदोलनकांनी केली आहे.
येथील एसटी बस स्थानकातील औरंगाबादकडे जाणाऱ्या एसटी बसेसवर नुकतेच छत्रपती संभाजीनगर नावाचे फलक लावण्यात आले. तसेच औरंगाबाद शहराच्या नामांतराला विरोध करणाऱ्या काँग्रेसचे प्रदेशाध्यक्ष तथा महसूलमंत्री बाळासाहेब थोरात यांचाही मनसेने तीव्र निषेध केला आहे.
आगामी 26 जानेवारीपर्यंत औरंगाबाद शहराचे नामकरण छत्रपती संभाजीनगर करावे, अन्यथा महाराष्ट्र नवनिर्माण सेनेच्यावतीने जिल्ह्याभर तीव्र आंदोलन छेडण्याचा इशारा दिला जिल्हाधक्ष शिंदे यांनी दिला आहे.
महाआघाडी सरकारने औरंगाबाद महानगरपालिका येथील सत्ताधारयांची नोंद घेण्याची मागणी शिंदे यांनी केली आहे. यावेळी जिल्हाध्यक्ष बाबासाहेब शिंदे, जिल्हा सचिव तुषार बोबडे, जिल्हा सरचिटणीस डॉ. संजय नवथर, उपजिल्हाध्यक्ष सुरेश जगताप, शहराध्यक्ष गणेश दिवसे, विशाल शिरसाठ, निलेश सोनवणे, गोरक्षनाथ येळे, रोहित जोंजाळ, भास्कर सरोदे, नंदू गंगावणे उपस्थित होते.
संपादन - अशोक निंबाळकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.