वसमत : वसमत शहरातील विष्णू नगर भागात घराचा कुलूप कोंडा तोडून चोरट्यांनी भरदिवसा पावणेतीन लाख रुपयांचा ऐवज पळविल्याची घटना सोमवारी ता. २७ घडली. दुपारी तीन वाजता झालेल्या या घटनेमुळे नागरिकांमधून भीतीचे वातावरण निर्माण झाले आहे.
पोलिसांनी दिलेल्या माहितीनुसार,वसमत शहरातील विष्णू नगरात गंगाप्रसाद गोपाळसा नांदगावकर यांचे घर आहे. सोमवारी दुपारी ते बाहेर गेले होते यावर चोरट्यांनी घरी कोणी नसल्याची संधी साधत घराचे कुलूप तोडून आत प्रवेश केला त्यानंतर चोरट्यांनी घरात ठेवलेली रोख रक्कम तीस हजार रुपये व सोन्या-चांदीचे दागिने असा पावणेतीन लाख रुपयांचा ऐवज पळविला.
सायंकाळी श्री नांदगावकर हे घरी आल्यानंतर त्यांना घरात चोरी झाल्याचे लक्षात आले. त्यांनी घरात पाहणी केली असता घरातील रोख रक्कम व दागिने गेल्याचे आढळून आले त्यांनी तातडीने वसमत शहर पोलीस ठाण्यात तक्रार दाखल केली शहर पोलीस ठाण्याचे पोलीस निरीक्षक शिवाजी गुरमे, उपनिरीक्षक बालाजी खार्डे यांनी घटनास्थळी भेट देऊन पाहणी केली. दिवसा घरफोडीची घटना घडल्यामुळे आता पोलिसांचा गुन्हेगारांवर वचक संपला की काय असा सवाल उपस्थित होत आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.