The school will start from Monday in Newase taluka 
अहिल्यानगर

शाळा सज्ज! पालकांमध्ये संभ्रम; नेवासेत शिक्षण विभागाची तयारी पूर्ण

सुनिल गर्जे

नेवासे (अहमदनगर) : शासनाच्या कोविड-19च्या नियमांचे पालन करीत सोमवारपासून (ता. 23) नववी ते बारावीपर्यंतचे वर्ग सुरू होणार आहेत. त्यासाठी शाळांनी मोठी तयारी केली असली, तरी कोरोनाचा संसर्ग कमी होत नसल्याने पालकांमध्ये संभ्रम कायम आहे. 

राज्य सरकार व जिल्हाधिकाऱ्यांनी कोरोनाबाबत दिलेल्या आदेशाचे पालन होणे अनिवार्य आहे. मात्र, आरोग्य विभागाने जानेवारी 2021नंतर कोरोनाच्या दुसऱ्या लाटेचे संकेत दिले आहेत. त्यामुळे नववी ते बारावीपर्यंतच्या विद्यार्थ्यांना शाळेत कसे पाठवावे, असा प्रश्‍न पालकांना पडला आहे. शैक्षणिक वर्ष वाया जाऊ नये, यासाठी मुलांना शाळेत पाठविणे गरजेचे आहे, असा सूरही काही पालकांमधून उमटत आहे. 

पालक संभ्रमात असताना दुसरीकडे, विद्यार्थ्यांच्या स्वागतासाठी शाळा सज्ज झाल्या आहेत. शाळेचा संपूर्ण परिसर स्वच्छ करण्यात आला आहे. नववी ते बारावीपर्यंतच्या वर्गखोल्या सॅनिटाइझ केल्या आहेत. पुन्हा येत्या आठवड्यात वर्गखोल्या सॅनिटाइझ केल्या जातील, असे सोनई येथील शनैश्वर विद्यालयाचे प्राचार्य दिलीप सोनवणे यांनी सांगितले. 

विद्यार्थ्यांना दिवसाआड शाळेत यावे लागेल. शाळेत 50 टक्के, तर घरी ऑनलाइन शिक्षणासाठी 50 टक्के उपस्थिती राहणार आहे. वर्गात एका बाकावर एकच विद्यार्थी बसेल. नववी ते बारावीपर्यंत ऑनलाइन- ऑफलाइन शिक्षण मिळणार आहे. विद्यार्थ्यांची ने-आण करताना पालकांना सोबत यावे लागेल. 

शासनाच्या मार्गदर्शक सूचनांनुसार सोमवारी शाळा सुरू होतील. मुख्याध्यापकांची बैठक घेऊन, तसेच पत्राद्वारे शाळांचे सॅनिटायझेशन, विद्यार्थ्यांच्या आरोग्याबाबत काळजी, स्वच्छता आदींबाबत सूचना केल्या आहेत. 
- शिवाजी कराड, शिक्षण विस्तार अधिकारी, नेवासे 

संपादन : अशोक मुरुमकर

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

बिहारमध्ये NDAचं जागावाटप फायनल, भाजप-जदयूला समान जागा; LJP, RLM, HAMला किती?

महिला पत्रकारांना का बोलावलं नव्हतं? अफगाणिस्तानच्या परराष्ट्र मंत्र्यांनी दिलं स्पष्टीकरण; म्हणाले, तांत्रिक अडचण

INDW vs AUSW: स्मृती मानधना-प्रतिका रावलचं वादळ घोंगावलं! भारताने ऐतिहासिक स्कोअर करत ऑस्ट्रेलियासमोर भलमोठं लक्ष्य उभारलं

MLA Subhash Deshmukh: कोणी मदतीपासून वंचित राहणार नाही याची दक्षता घ्या: आमदार सुभाष देशमुख यांची प्रशासनाला सूचना; पूरग्रस्त गावांना भेटी

Latest Marathi News Live Update: दिल्लीतील पक्ष मुख्यालयात बिहार निवडणूक २०२५ बाबत भाजपच्या मुख्य कार्यकारी अधिकाऱ्यांची बैठक सुरू

SCROLL FOR NEXT