अहमदनगर ः सावेडीतील माजी नगरसेवक दिगंबर ढवण यांचे आज रात्री ह्रदयविकाराने निधन झाले. ते ४३ वर्षांचे होते. त्यांच्या निधनाची माहिती वार्यासारखी सावेडी उपनगरात तसेच शहरात पसरली.
ते महाराज या टोपण नावाने परिचित होते. कट्टर शिवसैनिक म्हणून त्यांचा लौकिक होता. माजी आमदार अनिल राठोड यांची सावेडीतील धुरा त्यांच्याकडेच होती. मोबाईल नगरसेवक म्हणूनही ते ओळखले जायचे. तपोवन रस्ता परिसरातील ढवण वस्ती हा त्यांचा बालेकिल्ला होता. मागील निवडणुकीवेळी ते शिवसेनेपासून काहीसे दुरावले होते. त्यावेळी घेतलेला मेळावा अभूतपूर्व होता.
प्रभागातील कामे करून घेण्यासाठी ते जिवाचे रान करीत. महापालिकेत त्यांनी घोड्यावर जाऊन केलेले आंदोलन खूप गाजले. लोकांना सुविधा उपलब्ध करून देण्यासाठी त्यांनी कधीच मागेपुढे पाहिले नाही. त्यांना मानणारा मोठा वर्ग या प्रभागात आहे. त्यांची पत्नी शारदाताई यांनीही प्रभागाची धुरा सांभाळली होती.
सायंकाळी ते फिरायला गेले होते. त्यावेळी त्यांना त्रास जाणवू लागला. त्यामुळे त्यांना खासगी रूग्णालयात दाखल करण्यात आले. मात्र, डॉक्टरांनी त्यांना मृत घोषित केले. त्यांच्या निधनामुळे नगरच्या राजकीय वर्तुळात धक्का बसला आहे. मनमिळावू स्वभावामुळे त्यांनी मोठा लोकसंग्रह केला होता.
संपादन - अशोक निंबाळकर
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.