सोनई (अहमदनगर) : जलसंधारण मंत्री शंकरराव गडाख यांनी सोनई, माजी आमदार बाळासाहेब मुरकुटे यांनी देवगाव तर माजी आमदार पांडुरंग अभंग यांनी आप-आपल्या गावाचा गड राखला आहे. नेवासे तालुक्यातील सर्व ५२ ग्रामपंचायतीचे निकालसमोर आले असून मंत्री गडाख यांचे अनेक ग्रामपंचायतीवर प्रभुत्व सिध्द झाले आहे. माजी खासदार तुकाराम गडाख यांच्या सहभागाने रंगत भरलेल्या सोनई ग्रामपंचायतीमध्ये मंत्री गडाखांनी १७ पैकी १६ जागा जिंकत मोठे यश प्राप्त केले आहे.
हे ही वाचा : Gram Panchayat Results : शेवगाव तालुक्यात प्रस्थापितांना धक्का; नवख्या उमेदवारांची बाजी
माजी आमदार बाळासाहेब मुरकुटे यांनी आपल्या देवगावात १३ पैकी ११ जागा जिंकल्या. त्यांच्या गटाचे नेतृत्व पंचायत समिती सदस्य अजित मुरकुटे यांनी केले. येथे मंत्री गडाख गटास दोन जागा मिळाल्या. माजी आमदार पांडुरंग अभंग यांनी कुकाणे येथे सत्ताधारी गटाला दे-धक्का देत आठ जागा जिंकल्या. येथे अॅड देसाई देशमुख गटाला सहा तर एक अपक्ष निवडून आला आहे.
तालुक्यातील अनेक ग्रामपंचायत निवडणुकीत मंत्री गडाख गटाने वर्चस्व प्रस्थापित केले. अनेक गावात त्यांच्याच दोन गटात लढत झाली. निकालानंतर आता सरपंच पदाच्या आरक्षणाकडे ग्रामस्थांच्या नजरा लागल्या आहेत. कोणत्या गटाचे कारभारी जादा होणार याविषयी सर्वांनाच उत्सुकता लागली आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.