नगर ः जिल्ह्यात कोरोनाची रूग्णसंख्या झपाट्याने वाढते आहे. जिल्हाधिकारी डॉ. राजेंद्र भोसले यांनी आजपासून 30 एप्रिलपर्यंत कडक निर्बंध लागू केले. त्यामुळे शहरातील जीवनावश्यक वस्तूंची दुकाने सोडता सर्व दुकाने बंद झाली.
जिल्हाधिकारी डॉ. भोसले यांचा आदेश येताच व्यापाऱ्यांनी बाजारपेठ बंद ठेवली. शहरातील कापड बाजार, मोची गल्ली, नवीपेठ, माणिकचौक, माळीवाडा, पंचपीर चावडी, मंगळवार बाजार, सराफ बाजार आदी बाजार बंद होते. किराणा माल, मेडिकल दुकाने, किराणा व मेडिकल दुकानांचे ठोक व्यापारी यांची दुकाने खुली होती. त्यामुळे आडतेबाजार, डाळमंडई, मार्केट यार्डमध्ये नेहमी प्रमाणे ग्राहकांची रेलचेल होती.
चितळे रस्त्यावरील किरणा व मेडिकल व्यतिरिक्त दुकाने बंद होती. शहरातील मार्केट यार्ड, चितळे रस्ता, गंजबाजार, गाडगीळ पटांगण येथील भाजीबाजार सुरू होता. चौपाटी कारंजा ते दिल्लीगेट, माळीवाडा बसस्थानक परिसर, माळीवाडा वेस आदी ठिकाणी फळविक्रेते उभे होते. किराणा दुकान, खाद्यपदार्थ विक्रेते, हॉटेल्स, मेडिकल, हॉस्पिटल आदी अत्यावश्यक सेवा वगळत इतर दुकाने बंद आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.