टाकळी ढोकेश्वर ः सरपंच आरक्षण जाहीर होताच तालुक्यातील अनेक मोठ्या गावांत नाट्यमय घडामोडी घडल्या. त्यातील टाकळी ढोकेश्वरमध्ये ही खिलारी गटाची सत्ता येऊनदेखील सरपंच निवडीत ती टिकवता आली नाही 

आमदार नीलेश लंके समर्थक व माजी सरपंच सुनीता झावरे यांच्या गटाने एकत्र येत सत्ता स्थापन केली आहे. सरपंचपदी आमदार नीलेश लंके समर्थक अरूणा खिलारी व उपसरपंचपदी जनसेवा पॅनलमधून निवडुन आलेले सुनील चव्हाण यांची निवड झाली आहे.

हेही वाचा - गावकुत्र्यांनी माळरान उकरताच जमिनीतून बाहेर आला माणूस

टाकळी ढोकेश्वर ग्रामपंचायत निवडणुकीत बाजार समितीचे संचालक कटारीया, माजी सरपंच रावसाहेब झावरे, माजी सरपंच सुनिता झावरे यांचे जनसेवा पॅनल व जेष्ठ नेते सीताराम खिलारी यांच्या नेतृत्वाखाली आमदार नीलेश लंके ग्रामविकास पॅनलमध्ये लढत झाली.

जनसेवा पॅनलला ५ जागा व ग्रामविकास पॅनलला १० जागा मिळाल्या होत्या. यातील आमदार नीलेश लंके समर्थक म्हणून ओळखले जाणारे बाळासाहेब खिलारी यांच्या पत्नी अरूणा खिलारी यांच्यासह दत्तात्रय निवडुंगे, प्रियंका बांडे, सुग्राबी हवालदार यांनी ग्रामविकास पॅनलची साथ सोडली. जनसेवा पॅनलला सत्तेचा मार्ग सुकर केला. 

अरूणा खिलारी यांची सरपंचपदी व उपसरपंचपदी सुनील चव्हाण यांची निवड झाली आहे. हे सत्ताधारी पॅनल आमदार निलेश लंके यांच्या नेतृत्वाखाली काम करणार असल्याचे माजी सरपंच रावसाहेब झावरे,भाऊसाहेब झावरे,बाळासाहेब खिलारी यांनी सांगितले. अहमदनगर

संपादन - अशोक निंबाळकर