श्रीरामपूर : कोरोनाचा वाढता संसर्ग रोखण्यासाठी राज्यभरात लागू केलेल्या लॉकडाऊन काळात अत्यावश्यक कामानिमित्त जिल्हाबाहेर जाण्यासाठी आता ई-पास लागणार आहे. अत्यावश्यक कामानिमीत्त जिल्हाबाहेर जाण्यासाठी नागरिकांची गैरसोई टाळण्यासाठी पोलिस प्रशासनाने ई-पास सुविधा उपलब्ध केली आहे.

ज्या नागरिकांना अत्यंत महत्वाच्या (वैद्यकीय कारण/अत्यावश्यक सेवा/अंत्यविधी) कामानिमित्त घरातून इतर जिल्हाबाहेर जाण्यासाठी https://covid19.mhpolice.in या संकेतस्थळावर जावून आपला फोटो अपलोड करुन अर्ज करावा. तसेच अर्ज करताना घराबाहेर जाण्याच्या कारणासह संबंधित कागदपत्रे जोडावे लागणार असल्याचे अहमदनगर जिल्हा पोलिस दलातर्फे बजावले आहे.

ई-पास मिळविण्यासाठी आॅनलाईन अर्ज प्रक्रिया पूर्ण झाल्यावर Submit वर क्लिक करावे. त्यानंतर मिळालेला सांकेतिक क्रमांक जतन करून ठेवावा. तसेच सदर संकेतस्थळावर पुन्हा जावून आपला सांकेतिक क्रमांक टाकून ई-पास प्राप्त करण्याचे आवाहन पोलिस प्रशासनाने केले आहे.

बातमीदार - गौरव साळुंके