श्रीरामपूर (अहमदनगर) : शहरातील कंन्टेमेन्ट झोनमध्ये आरोग्य विभागाने तपासणी शिबीर घेऊन78 नागरीकांची रॅपिड तपासणी केली. त्यात तीन कोरोनाबाधित रुग्ण आढळले आहे. बाधित रुग्णांच्या संपर्कातील नागरीकांचा तत्काळ शोध घेऊन तपासणी केली आहे. त्यामुळे तालुक्यातील कोरोनाबाधितांचा आकडा 45 वर पोहोचला आहे.

प्रभाग सात परिसरातील सोशल क्लबच्या सभागृहात आरोग्य विभागाने तपासणी शिबीर घेतले. तालुका आरोग्य अधिकारी डॉ. मोहन शिंदे यांच्या मार्गदर्शनाखाली आरोग्य कर्मचारी व आशा सेविकांनी संशयितांची रॅपीड तपासणी केली. शिबिरात नॉर्दन ब्रॅच ते सरस्वती कॉलनीपर्यंतच्या परिसरातील नागरीकांनी सहभाग घेतला. 78 रॅपिड तपासणीत तिन कोरोना पॉझिटिव्ह रुग्ण आढळुन आले असुन त्यातील एक इंदिरानगर परिसरातील राहिवासी आहे. तर दुसरा ग्रामीण रुग्णालयातील एका कर्मचाऱ्याचा समावेश आहे. तर आणखी एक रुग्ण कोरोना पॉझिटिव आला आहे. तिघांनाही शहरातील संतलुक रुग्णालयात उपचारासाठी दाखल केले आहे. प्रांताधिकारी अनिल पवार, तहसीलदार प्रशांत पाटील यांनी केलेल्या मार्गदर्शनानुसार शहरात तपासणी शिबिरे सध्या सुरु आहे. पुढील काळात रॅपिड तपासणीसाठी आणखी किट मिळणार असुन शहरातील विविध भागात शिबीरे आयोजित करुन नागरीकांची तपासणी केली जाणार आहे. नागरिकांनी शिबिरात सहभाग घेवुन तपासणी करुन प्रशासनाला सहकार्य करावे, असे आवाहन तालुका आरोग्य अधिकारी डॉ. शिंदे यांनी केले आहे.

संपादन : अशोक मरुमकर