Ahmednagar : नगर तालुक्यातील वाळकी येथील खुनाच्या व खंडणीच्या गुन्ह्यातील मागील तीन महिन्यांपासून फरार असलेला आरोपी विश्‍वजित कासार याचा हस्तक अशोक ऊर्फ सोनू गुंड याला जेरबंद करण्यात नगर तालुका पोलिसांना यश आले आहे.

नगर तालुका पोलिस ठाण्याचे सहायक पोलिस निरीक्षक शिशिरकुमार देशमुख यांना, सदर गुन्ह्यातील फरार आरोपी अशोक गुंड हा पुणे येथून केडगाव परिसरामध्ये येणार असल्याचे कळाले. देशमुख यांनी केडगाव परिसरामध्ये जाऊन सापळा लावला.

थोड्याच वेळात आरोपी केडगाव परिसरामध्ये संशयितपणे तोंडाला रुमाल बांधून येताना दिसला. पथकाची खात्री होताच त्यास ताब्यात घेण्यात आले. त्याला न्यायालयामध्ये हजर केले असता, न्यायालयाने चार दिवस पोलिस कोठडी सुनावली.