निपाणी : कर्जत जामखेडचे आमदार रोहितदादा पवार यांच्या संकल्पनेतून खर्ड्याच्या ऐतिहासिक किल्ल्यात जगातील सर्वात उंच भगवा ध्वज फडकविण्यात येणार आहे.

खर्ड्याला मराठ्यांनी शेवटची लढाई जिंकली. या देदिप्यमान पराक्रमाची पताका डौलाने फडकत रहावी, यासाठी खर्ड्याच्या ऐतिहासिक शिवपट्टण किल्ल्यात शक्ती-भक्ती, एकता व समानतेचं प्रतीक असलेला ७४ मीटर इतका देशात सर्वांत उंच भगवा 'स्वराज्य ध्वज' उभारण्यात येणार आहे. यासाठी महाराष्ट्र आणि भारतातील सर्व गडकिल्ले आणि इतर पवित्रस्थळी या ध्वजाचे स्वागत करण्यात येत आहे. छत्रपती शिवरायांच्या पदस्पर्शाने पावन झालेल्या बेळगाव जिल्ह्यातील वल्लभगड येथे या स्वराज्य ध्वजाचे स्वागत करण्यात आले.

महाराष्ट्र एकीकरण युवा समितीचे अध्यक्ष शुभम शेळके यांच्या हस्ते किल्ल्याच्या पायथ्याखालून वाजत गाजत हा स्वराज्य ध्वज किल्ल्यावर आणण्यात आला. येथे हनुमान मंदिर येथे मध्यवर्ती समितीचे खजिनदार प्रकाश मरगाळे, वल्लभगडचे गजानन साळुंखे, निपाणीतील प्रशांत नाईक, प्रा. डॉ. भारत पाटील, सुधाकर सोनालकर , दीपक वळीवडे, अरुण अवळेकर, स्वराज्य संघटनेचे संस्थापक नवनाथ चव्हाण, बाळासाहेब कमते, उत्तम कामते, संदीप येरुडकर, अतुल चावरेकर, अवधूत देशपांडे, ओमकार केसरकर, दिग्विजय पुंडे, वैभव मगदूम रुपेश तोडकर यांच्यासह शिवभक्त उपस्थित होते.