नगर : लग्नाला नकार दिल्याने धारदार शस्राने प्रेयसीचा खून करणाऱ्यास न्यायालयाने आज आजन्म कारावसाची शिक्षा केली. प्रदीप माणिक कणसे (वय 24, रा. रेणापूर, जि. लातूर) असे त्याचे नाव आहे.
निलंगा (लातूर) तालुक्यातील मुलगी मोहिनी तानाजी पाटील ही सुटीत बुरुडगाव रस्त्यावरील मावस काकाकडे आली होती. मुलगी गावाकडे असताना, आरोपी कणसे लग्नासाठी तिच्यामागे लागला होता. 26 मे 2016 रोजी तो मित्रांसह येथे आला.
दुसऱ्या दिवशी गंज बाजारातील दुकानातून त्याने ऊसतोडीचा कोयता खरेदी केला. त्यास धार लावली. कोयता घेऊन तो बुरुडगाव रस्त्यावरील मोहिनीच्या काकाच्या घरी गेला. त्याने पुन्हा मोहिनीला लग्नासाठी मागणी घातली असता, तिने नकार दिला. त्या रागातून कोयत्याने वार करून त्याने मोहिनीचा खून केला.
या बाबत कोतवाली पोलिस ठाण्यात खून व बाललैगिंक अत्याचारपासून संरक्षण कायद्यान्वये गुन्हा नोंदविण्यात आला. सहायक पोलिस निरीक्षक विनोद चव्हाण, पोलिस उपअधीक्षक बजरंग बनसोडे यांनी गुन्ह्याचा तपास करून आरोपीविरुद्ध न्यायालयात दोषारोपपत्र सादर केले.
या खटल्यात सरकार पक्षाने 19 साक्षीदार तपासले. काही साक्षीदार फितूरही झाले. सरकार पक्षाचा युक्तिवाद, पुरावे ग्राह्य धरून न्यायालयाने प्रदीप कणसे यास वरिलप्रमाणे शिक्षा केली. सरकार पक्षातर्फे जिल्हा सरकारी वकील सतीश पाटील यांनी बाजू मांडली.
संपादन - अशोक निंबाळकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.