सोनई (अहमदनगर) : मागील आमदाराने तालुक्यात काम कमी व नारळ फोडण्याचाच कार्यक्रम मोठ्या प्रमाणात केला. फक्त गोड बोलून प्रश्न सुटत नसतात, अशी टीका युवानेते उदयन गडाख यांनी माजी आमदार बाळासाहेब मुरकुटे यांचे नाव न घेता केली. 

जलसंधारण मंत्री शंकरराव गडाख यांच्या निधीतून झालेल्या कन्हेरवस्ती, नवनाथनगर, बेल्हेकरवाडी, हनुमानवाडी व मुळा गट परिसरातील रस्त्यांचे उदघाटन झाल्यानंतर आयोजित बैठकीत ते बोलत होते. कार्यक्रमास सोनईचे सरपंच धनंजय वाघ, उपसरपंच प्रसाद हारकाळे, माजी सरपंच राजेंद्र बोरुडेसह स्थानिक ग्रामस्थ उपस्थित होते.

गुन्हेगारांना अटक करण्याच्या मागणीसाठी तब्बल चार तास मृतदेह ठेवला पोलिस ठाण्यात...

मुळागट परिसरात झालेल्या रस्ता उदघाटन कार्यक्रमात शनैश्वर देवस्थानचे माजी विश्वस्त एकनाथ दरंदले, गोरख दरंदले यांचे भाषण झाले. ग्रामपंचायत सदस्य मच्छिंद्र कुसळकर यांनी उपस्थितांचे स्वागत केले. गडाख यांनी आपल्या भाषणात यापुढे सोनई भागातील वीज, पाणी व रस्ते या मूलभूत प्रश्नाला अग्रक्रम देण्याचे काम करु. नारळ न फोडता प्रत्यक्ष विकासाचे काम करु मगच उदघाटन करू, असे सांगितले.