पुणे जिल्ह्याच्या पश्चिम घाटमाथ्यावर झालेल्या दमदार पावसाचा परिणाम भीमा नदी खोऱ्यात दिसू लागला आहे. दौंड येथून उजनी धरणाकडे पाण्याची आवक वाढली असून, सोमवारी (ता. ६) मध्यरात्री बारा वाजता धरणात १ लाख ४ हजार ७०८ क्युसेक वेगाने पाणी येत होते. त्यामुळे अठरा तासांत धरणातील उपयुक्त जलसाठ्यात ३.४० टक्के वाढ झाली. हा विसर्ग कायम राहिल्यास बुधवारी (ता. ८) धरण ‘प्लस’मध्ये येण्याची शक्यता लाभक्षेत्र विकास प्राधिकरणाच्या अधिकाऱ्यांनी व्यक्त केली आहे.
