अहिल्यानगर : लग्नाच्या आमिषाने एका तरुणीशी संबंध ठेवून गरोदर राहिल्यानंतर लग्नास नकार देत तिला सोडून दिल्याची घटना समोर आली आहे. याप्रकरणी पीडित युवतीने यशोधरानगर (जि. नागपूर) पोलिस ठाण्यात फिर्याद दाखल केली असून सदरचा गुन्हा तपासकामी तोफखाना पोलिस ठाण्यात वर्ग करण्यात आला आहे.

तरुणी सध्या नागपूर येथे राहत असून तिने दिलेल्या फिर्यादीनुसार, तिची छत्रपती संभाजीनगर येथे संतोष देवराव गादे (वय ४२, रा. शहर टाकळी, ता. शेवगाव, जि. अहिल्यानगर) याच्यासोबत ओळख झाली होती. पुढे ही ओळख प्रेमात बदलली. संतोषने लग्नाचे आमिष दाखवत तिच्याशी संबंध ठेवले. मात्र, नंतर लग्नास नकार दिल्याने तिने त्याच्याविरुध्द पुंडलिकनगर (छत्रपती संभाजीनगर) पोलिस ठाण्यात गुन्हा दाखल केला होता.