अकोला ः पश्चिम विदर्भातील मोठी बाजारपेठ असलेले अकोला शहरातील रेल्वे स्थानकाच्या विस्तारिकरणासाठी केंद्र शासनाने ११० कोटींचा निधी मंजूर करावा, असा प्रस्ताव केंद्रीय राज्यमंत्री संजय धोत्रे यांनी रेल्वे मंत्र्यांकडे दिला आहे.
कोविड-१९ च्या टाळेबंदीच्या काळात रेल्वे वाहतूक बंद असताना अकोला रेल्वे स्टेशनच्या आधुनिकीकरण व विस्तारीकरणाच्या कामाला गती मिळाली. रेल्वे स्थानक परिसरात रेल्वे इंजिनची सुंदर प्रतिकृती, झाँशी, लखनौ, वाराणसीच्या धर्तीवर उभारण्याचे काम युद्ध स्तरावर सुरू आहे. ११० फुटाचा राष्ट्रीय ध्वज उभारणीचे काम पूर्ण झाले आहे.
रेल्वे फलाटावर प्रवाशाच्या सोयीसाठी शेडचा विस्तार, दुसऱ्या लिफ्टची निर्मिती करण्यात आली आहे. रेल्वे स्टेशन परिसरात नागरिकांना सोयीसाठी एस्कॅलेटर, फुटओवरब्रिजची निर्मिती करण्यात आली आहे. नवीन ओव्हर ब्रिजच्या निर्मितीमुळे फलाट १ ते ७ पर्यंत प्रवाशांना ये-जा करणे सोयीचे होणार आहे. त्याच भागात रेल्वे खिडकी उपलब्ध होणार आहे.
अकोला रेल्वे स्थानकावर होम प्लेटफार्म तयार करण्यासाठी ८ कोटी ९५लाखाचे प्रस्ताव, अकोला ते खंडवा मीटर गेज रेल्वे लाईनचे ब्रॉडगेज परिवर्तन करणे, अकोला रेल्वे स्टेशन वर ट्रेन कोचिंग परिक्षण सुविधा विकसित करण्यासाठी सन २०२०-२१ च्या बजेट मध्ये १०० कोटीचा प्रस्ताव रेल्वे मंत्र्यांना देण्यात आला आहे.
(संपादन - विवेक मेतकर)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.