अकोला : एरव्ही कोरडी ठणं राहणारी धरणे आता तुडूंब भरली असून, पश्चिम विदर्भातील एकूण १६ धरणे १०० टक्के भरली आहेत तर, अकोला जिल्ह्यातील महत्त्वाच्या काटेपूर्णा धरणात बुधवारी (ता.२) सकाळपर्यंत ९८.४० टक्के जलसाठा निर्माण झाल्याची नोंद आहे.
गेल्या दशकापासून मॉन्सूनचे आणि पर्यायाने पावसाचे बिघडलेले चक्र शेती तसेच नागरी वस्त्यांसाठी चिंतेचे कारण बनत गेले आहे. दरवर्षी आखूड होत चाललेला पावसाळा आणि कमी पर्जन्यमान यामुळे दुष्काळी परिस्थितीला अकोला वासीयांसह वैदर्भीयांना सामोरे जावे लागत होते. मात्र गेल्या दोन वर्षात पाऊस पडण्याचे प्रमाण वाढले असून, यंदा तर, पश्चिम विदर्भात एकूण १६ धरणे शंभर टक्के भरली आहेत. अकोला जिल्ह्यात तीन प्रमूख धरणं शंभर टक्के भरली असून, अकोला शहराला पाणी पुरवठा करणारे काटेपूर्णा धरण ९८.४० टक्के भरले आहे. त्यामुळे शेतकऱ्यांना मोठा दिलासा मिळाला असून, बहुतांश भागात पिण्याच्या पाण्याची समस्याही निकाली निघाली आहे.
शंभर टक्के भरलेली धरणे
| जिल्हा | धरणाचे नाव |
| अकोला | मोर्णा, निर्गुणा, उमा |
| यवतमाळ | पूस प्रकल्प, सायखेडा, वाघाडी, बोरगांव, नवरगांव |
| वाशीम | सोनल, एकबुर्जी |
| बुलडाणा | तोरणा, उतावळी, कोराडी, मस, पलढग, ज्ञानगंगा |
या प्रकल्पांमध्ये ९० टक्क्यांहून अधिक जलसाठा
| जिल्हा | प्रकल्पांची नावे |
| अकोला | काटेपूर्णा, घुंगशी बॅरेज |
| यवतमाळ | बेंबळा, गोकी |
| बुलडाणा | मन |
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.