बार्शीटाकळी : बार्शीटाकळी तालुक्यातील दगडपारव्या पासून ,अगदी जवळ असलेल्या दत्त मंदिराजवळ आज सायंकाळी दगडपारवा येथील, दोन ईसम रक्ताच्या थारोळ्यात पडून असल्याचे समजले. त्यांच्या बाजुलाच क्षतिग्रस्त झालेली मोटरसायकल क्रमांक MH30 8619 पडलेल्या अवस्थेत दिसून आली.

त्यांना अज्ञात वाहनांने धडक दिल्याचा अंदाज उपस्थित मंडळीनी वर्तविल्याचे समजले. प्राप्त माहितीनुसार अशी की दगडपारवा येथील मृतका पैकी अनंत वासुदेव अमानकर हा दररोज दगडपारव्या वरुन अकोला येथे सकाळ-संध्याकाळ दूध घेऊन जात होता. आज सायंकाळी दिवाळीच्या खरेदी करीता, अनिल तुकाराम आडे तयारीत होता.

दोघेही मृतक मोटरसायकलने अकोल्याकडे निघाले असता ,दत्तमंदिराजवळ दोघे मृत्युमुखी पडलेले आढळून आले. गावातील लोकांनी या घटनेची माहिती बार्शीटाकळी पोलीसांना दिली. पोलीसांनी घटनास्थळ गाठून ,मृतदेहांचा पंचनामा करून शवविच्छेदन करण्यासाठी ,अकोला सर्वोपचारला पाठविले. पुढील तपास बार्शीटाकळी पोलीस करत आहेत.