अकोला : कोरोना संसर्गाच्या पार्श्वभूमीवर जिल्हा प्रशासनाने अकोला महानगरपालिका क्षेत्रात ता. २३ ते १ मार्चपर्यंत लॉकडाउन जाहीर केला आहे. या संदर्भात नियमावली जाहीर करताना हॉटेल व्यावसायिक व दूध विक्रेत्यांनी आक्षेप घेतल्यानंतर अखेर जिल्हाधिकाऱ्यांमार्फत सोमवारी सुधारीत नियमावली जाहीर करण्यात आली.

त्यानुसार शहरातील पाच पेट्रोल पंप तर तालुक्यातील एक पंप अत्यावश्यक सेवेतील वाहनांसाठी सकाळी ८ ते दुपारी ३ या वेळेत सुरू ठेवण्याचा निर्णय घेण्यात आला आहे. याशिवाय हॉटेलमधून सकाळी ९ ते रात्री ९ पर्यंत पार्सल सेवा सुरू राहणार आहे.
अकोला शहरात कोरोना रुग्णांचा वाढता प्रभाव लक्षात घेता उपाययोजना करण्यासाठी जिल्हा प्रशासनाकडून तीन प्रतिबंधित क्षेत्र जाहीर करण्यात आले आहे.

हेही वाचा - यंदाचा उन्हाळाही घरात काढण्याचे संकेत,  जिल्हा लॉक डाउनच्या दिशेने!

त्यात अकोला महानगरपालिका, मूर्तिजापूर व अकोट नगर पालिका क्षेत्राचा समावेश आहे. या क्षेत्रात सकाळी ८ ते दुपारी ३ वाजेपर्यंतच जीवनावश्यक वस्तूंची दुकाने सुरू राहणार आहेत. यासंदर्भात सुरवातीला जाहीर करण्यात आलेल्या नियमावलीवर काही आक्षेप नोंदविण्यात आले होते. विशेषतः हॉटेल व्यावसायिक व दूध विक्रेत्यांसाठी दिलेली वेळ गैरसोयीची होती. त्यामुळे सोमवारी जिल्हाधिकारी जितेंद्र पापळकर यांनी सुधारित आदेश काढला आहे.

हेही वाचा - हॉटेल बंद, पार्सल सुविधाच मिळणार, लग्न समारंभाकरिता २५ व्यक्तींना परवानगी
...................
काय आहे सुधारित आदेशात?
- खाद्यगृहे, रेस्टॉरेन्टमधून सकाळी ९ ते रात्री ९ पर्यंत पार्सल सुविधा. त्यासाठी किचन व खाद्यगृह सुरू ठेवणार.
- दूध विक्री व दुधाचे घरपोच वितरणासाठी सकाळी ६ ते ८ व सायंकाळी ५ ते ७ ची वेळ.
- सर्व रुग्णालये व रुग्णालयाशी निगडीत सेवा नियमित सुरू राहतील.
- कोणतेही रुग्णालय बंद आधार घेवून रुग्णांना आवश्यक सेवा नाकारता येणार नाही.
- २४ तास सुरू ठेवण्यास अनुज्ञेय असलेली औषधी दुकाने वेळेनुसार२४ तास सुरू राहतील. इतर औषधांची दुकाने सकाळी ८ ते दुपारी ३ या वेळेत सुरू राहतील.
- पूर्व नियोजित परीक्षा वेळापत्रकानुसार होतील. पालक व विद्यार्थ्यांना ओळखपत्र बंधनकारक.
- कृषी सेवा केंद्र सकाळी ८ ते दुपारी ३ या वेळेत सुरू
- चिकन, मटन, मांस विक्रीची दुकाने, अंडी विक्रीची दुकाने सकाळी ८ ते दुपारी ३ या वेळेत सुरू.
...................
अकोल्यातील अत्यावश्यक सेवेसाठी हे पेट्रोलपंप राहतील सुरू
- मे. वजीफदार ॲन्ड सन्, वसंत देसाई स्टेडियमजवळ
- मे. एम.आर.वजीफदार ॲण्ड कं. आळशी प्लॉट
- मे. केबीको ॲटो सेंटर शिवाजी महाविद्यालयासमोर
- औद्योगिक विकास महामंडळ क्षेत्रातील सर्व पंप
- मे. न्यू अलंकार सर्वो, वाशीम बायपास.

अकोला, बुलडाणा, वाशीम जिल्ह्यातील ताज्या बातम्या - क्लिक करा

संपादन - विवेक मेतकर

अधिक वाचा - 

0 घोटाळ्याप्रकरणी हिवरखेडच्या दोन माजी सरपंच आणि ग्रामविकास अधिकाऱ्यावर गुन्हा...

0 आमदार अमोल मिटकरी यांच्यासह 300 जणांवर गुन्हा दाखल

0 पालकमंत्री बच्चू कडू यांना पुन्हा कोरोना झाला कसा?

0 Coronavirus; आता कठोर निर्णय, बदलेल्या विषाणूचा वाढतोय अकोल्यात संसर्ग!

0 खमंग वऱ्हाडी रोडगे वर तुपाची धार; पार्टीचा बेत होऊच द्या आता!