देऊळगाव राजा : घरातील कुटुंब दहाव्याच्या कार्यक्रमासाठी बाहेरगावी गेल्याने बिल्डिंगच्या वॉचमनला चाकूचा धाक दाखवून घरातील सोन्या-चांदीचे दागिने रोख रक्कम व दुचाकी असा एकूण ५ लाख ७७ हजार ५०० रुपयांचा मुद्देमाल अनोळखी तिघा चोरट्यांनी चोरून नेला. याबाबत पोलिसांनी गुन्हा नोंदविला असून शहरातील सिव्हील कॉलनीत घडलेल्या या धाडसी चोरी ने परिसरात भीतीचे वातावरण आहे.(Akola Crime News)

याबाबत पोलिस सूत्रांकडून प्राप्त माहितीनुसार शहरातील सिविल कॉलनी स्थित परम क्लासेस जवळ ज्ञानेश्वर श्रीराम शेजुळ यांचे कुटुंब राहते ज्ञानेश्वर शेजुळ यांचे सासरे वारल्याने दहाव्याच्या कार्यक्रमाला ते पैठण येथे कुटुंबासह गेले होते. दरम्यान शुक्रवारी रात्री उशिरा त्यांच्या बिल्डिंगच्या वॉचमनला चाकूचा धाक दाखवून तीन अनोळखी चोरट्यांनी घरात प्रवेश केला.

घरातील सोने चांदीचे दागिने किंमत ४ लाख ४२ हजार, रोख 30 हजार रुपये, घरातील डीव्हीआर, राहूटर, एक दुचाकी क्रमांक एम एच 28 बीजी- 0014 किंमत ९८ हजार वाचमेन चा मोबाईल असा एकूण ५ लाख ७७ हजार ५०० रुपयांचा मुद्देमाल चोरून नेला. सदर घटना रात्री अडीच दरम्यान घडली संबंधित तिला चोरट्यांना केशव संपतराव नादरे यांनी पाहिले असून चोरट्याचे अंगात जर्किन होते.

घरात धाडसी चोरी झाल्याची माहिती मिळाल्या नंतर पैठण येथून परत येऊन सदर प्रकरणात ज्ञानेश्वर श्रीराम शेजुळ वय ४६ राहणार सिविल कॉलनी यांनी पोलिसात फिर्याद नोंदविली. यानंतर पोलिसांनी अज्ञात चोरट्याविरुद्ध गुन्हा नोंदविला आहे. दरम्यान घटनेचे गांभीर्य पाहता बुलढाणा येथून ठसे तज्ञ व स्वान पथकाला पाचारण करण्यात आले होते. ठाणेदार जयवंत सातव यांच्या मार्गदर्शनात सहाय्यक पोलीस निरीक्षक डीएम वाघमारे सदर धाडसी चोरीच्या प्रकरणात तपास करीत आहे.