Akola Crime News : तुम्ही वृद्ध असल्याने तुम्हाला शासकीय योजनेतून उपाचार करण्यासाठी लाभ मिळतो,अशी भूलथाप देवून वृद्ध दामप्त्याचे दागिने लुटणाऱ्याला औरंगाबाद येथील भामट्याला अकोला पोलिसांनी बेड्या ठोकल्यात.

अकोला जुने शहरातील सोनटक्के प्लॉटमध्ये राहणारे शहीदाबी फिरोजोद्दीन (६५) यांनी ता. १ फेब्रुवारी २०२३ रोजी सिटी कोतवाली पोलिस स्टेशनमध्ये तक्रार दिली होती. या तक्रारीनुसार त्या ता. १ फेब्रुवारी रोजी सकाळी १०.३० वाजतानंतर पतीसह शासकीय वैद्यकीय महाविद्यालयाच्या सर्वोपचार रुग्णालयात डोळे तपासणीकरिता गेल्या होत्यात.

तेथे एक अनोळखी इसम त्यांच्या जवळ आला व त्याने फिर्यादीला भुलथाप देवून त्यांना सांगितले की, तुम्ही दोघे वयोवृध्द झाले असल्याने शासनाकडून तुम्हाला पैसे मिळणार आहेत. असे सांगुन फिर्यादी व तिच्या पतीला ॲटोने अकोला महानगरपालिकेत आणले.

येथे आणल्यानंतर फिर्यादीला सोन्याचे दागीणे काढून ठेवण्यास सांगितले. फिर्यादीकडील सोन्याचे चांदीचे दागीणे (किमंत ४७ हजार ४७५) व रोख सात हजार ४०० असा एकूण ५४ हजार ८७५ चा मुदमाल घेवून भामट्याने पलायन केले.

आपली फसवणूक झाल्याचे लक्षात आल्यानंतर त्यांनी पोलिस तक्रारी दिली. त्यावरून गुन्हा दाखल करून सिटी कोतवाली पोलिसांनी तपास सुरू केला.

तपासात आरोपी आसीफ अहेमद खान खलील अहेमद खान (५३, रा. कटकटनगर गल्ली नं २, नेहरूनगर, जिल्हा औरंगाबाद) याला अटक करण्यात आली. आरोपीने गुन्हा केल्याची कबुली दिली आहे. आरोपीकडून मुद्देमाल हस्तगत करण्यात आला आहे.