मूर्तिजापूर (जि.अकोला) : मूर्तिजापूर येथून माना येथे आठ ते १० प्रवाशी घेऊन जात असलेल्या ऑटो क्रमांक एमएच ३० एए १४६८ मधली अचानक वायरिंग जळाल्याने धुर निघाला.
चालकाने आपले वाहन थांबवून इतर प्रवाशांना खाली उतरविले. राजू चक्रे (वय वर्षे २८), अनिल गोपाल कोकणे (वय वर्षे ४८) व दिनेश गंगाधर ढवळे (वय वर्षे ३४) राहणार माना हे तीघे ऑटोची वायरिंग तपासत असताना पाठी मागून येणाऱ्या अज्ञात वाहनाने धडक दिली. या धडकेत अनिल गोपाल कोकणे हा ठार झाला, तर ऑटो चालक राजू चक्रे हा गंभीररीत्या जखमी झाला आहे.
हेही वाचा - हे तर नवलंच! सातपुड्यातील ‘तेल्यादेवाला’ लागते तंबाखू, बिडी आणि सिगारेटही, जाणून घ्या रंजक कहाणी
त्यावर अकोला येथे उपचार करण्यात येत आहे. तर दिनेश गंगाधर ढवळे हा किरकोळ जखमी असून इतर महिला प्रवाशी महामार्गाच्या कडेला बसले असल्याने मोठा अनर्थ टळला.
धडकेने ऑटो रस्त्याच्या बाजूला असलेल्या खड्ड्यात जाऊन उलटला. दिनेश ढवळे याच्या फिर्यादी वरुन शहर पोलीसांनी अज्ञात वाहना विरुद्ध गुन्हा दाखल केला आहे. पुढील तपास महिला पोलीस उपनिरीक्षक संगीता गावडे, पोलीस कॉन्स्टेबल योगेश उमक करीत आहे.
(संपादन - विवेक मेतकर)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.