अकोला  ः कोरोना विषाणू कोविड-१९ मुळे आयकर दात्यांना अर्ज भरता आले नाही. त्यामुळे त्यांना आयकर न भरल्यामुळे दंडात्मक कारवाईला सामोरे जावे लागेल, अशी भिती होती. ही भिती आयकर विभाग व शासनाने दूर केली आहे.

आता आयकर दात्यांना ३१ डिसेंबरपर्यंत अर्ज सादर केल्यानंतर ३१ मार्च २०२१ पूर्वी आयकर भरणा करण्याची सवलत देण्यात आली आहे. याशिवाय कर भरण्यासंदर्भातील वादग्रस्त प्रकरणे निकाली काढण्यासाठी ‘विवाद से विश्वास’ ही योजना थकीत करदात्यांसाठी आयकर विभागातर्फे राबविण्यात येत आहे.

हेही वाचा - अफलातून; शिक्षक उमेदवारानी लावली शर्ट बनियानवर लग्नसंमारंभात हजेरी

अकोला येथील आयकर विभागाचे अप्पर आयुक्त यांनी आयकर दात्यांच्या माहितीसाठी नुकतेच एका ऑनलाइन वेबिनारचे आयोजन केले होते. आयकर विभागाच्या नागपूर झोनचे मुख्य आयकर आयुक्त राजेश रंजन प्रसाद यांनी यावेळी आयकर भरणा करण्यासंदर्भात माहिती दिली.

कोरोना संकट काळामुळे अनेकांना नियमित वेळेनुसार इनकम टॅक्स रिटर्न फाईल करता आल्या नाहीत. त्यामुळे आयकर विभागाच्या नियमानुसार त्यांना दंड भरावा लागणार होता. यातून आता आयकर दात्यांना दिलासा देण्यात आला आहे.

हेही वाचा - अरे बापरे!  प्राचार्यांनीच केली प्राध्यापिकेला शरीरसुखाची मागणी

त्यासाठी ‘विवाद से विश्वास’ ही योजना राबविली जात असून, त्यानुसार ३१ डिसेंबरपर्यंत आयकर दात्यांना आयकर रिटर्न फाईल करता येणार आहे. त्यानंतर आयकराची रक्कम भरणा करण्यासाठी ३१ मार्च २०२१ पर्यंत मुदत मिळणार आहे.

या काळात कोणतेही विलंब शुल्क आयकर दात्यांना आकारले जाणार नसल्याची माहिती आयुक्त प्रसाद यांनी दिली. या वेबिनारला अकोला आयकर विभागाचे अप्पर आयुक्त डी.बी. गोहिल आणि डब्ल्यूआयआरसी अकोला ब्रॅँचचे अध्यक्ष जलाल बाहेती यांची प्रमुख उपस्थिती होती. प्रास्ताविक सीए महावीर अटल यांनी केले तर केयुर डेडिया यांनी आभार व्यक्त केले. डी.बी. गोहिल यांनी आयकरदात्यांना पुढे येऊन या योजनेचा लाभ घेत आयकर फाईल सादर करणे व १०० टक्के आयकराचा भरणा करण्याचे आवाहन यावेळी केले.

हेही वाचा - VIDEO: प्रेरणादायी: भिंती बोलू लागल्या! आदर्श गावाची कहाणी थक्क करणारी कहाणी

‘विवाद से विश्वास’ या योजनेतून आयकर, टीडीएस, टीसीएसबाबत काही वाद असल्यास ते सोडविण्यात येणार असून, १०० टक्के भरणा करणाऱ्यांना या योजनेतून दंडाची रक्कमेत सुट मिळणार असल्याची माहिती गोहिल यांनी दिली.

(संपादन - विवेक मेतकर)