अकोला : कोरोना विषाणू संसर्गाचे अकोला पंचायत समितीमधील पाच कर्मचारी पॉझिटिव्ह आढळले आहेत. त्यामुळे अकोला पंचायत समितीमध्ये अभ्यांगतांना बुधवार (ता.९) पर्यंत प्रवेश बंदी करण्यात आली आहे. पंचायत समितीचे दोन्ही मुख्य प्रवेशद्वार बंद करण्यात आले असून कार्यालयात केवळ कर्मचारी व अत्यावश्यक कामानिमित्त जाणाऱ्यांनाच बुधवारपर्यंत प्रवेश देण्यात येईल.
अकोला पंचायत समितीमधील कृषी विभागात कार्यरत कर्मचारी गुरुवारी (ता. ३) कोरोना पॉझिटिव्ह आढळला होता. गुरुवारी (ता. ३) पंचायत समितीमधील कक्षांचे निर्जंतुकीकरण करण्यात आले.
इतर कर्मचाऱ्यांना सुद्धा कोरोनाचा संसर्ग होण्याची दाट शक्यता असल्याने शुक्रवारी (ता. ४) पंचायत समितीत कोरोना तपासणीसाठी रॅपिड अंटीजन टेस्टचे शिबिर घेण्यात आले. शिबिरात ५९ कर्मचाऱ्यांची तपासणी केली असता ४ कर्मचाऱ्यांचे अहवाल पॉझिटिव्ह आले होते.
त्यामुळे कोरोना प्रतिबंधात्मक उपाय म्हणून पंचायत समितीचे दोन प्रवेशद्वार बंद करण्या आले आहेत. त्यासोबतच अभ्यांगतांना प्रवेश बंदी करण्यात आली आहे.
(संपादन - विवेक मेतकर)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.