मानोरा (जि.वाशीम) ः पोहरादेवी येथील बंजारा समाजाच्या गुरूगादीचे पीठाधीश म्हणून बाबूसिंग महाराज यांची आज सोमवारी (ता. ३) एकमताने नेमणूक करण्यात आली. या गादीचे पीठाधीश धर्मगुरू संत रामराव महाराज यांचे ता. ३० ऑक्टोबर रोजी निधन झाले होते. त्यामुळे रिक्त झालेल्या या गादीचे वारस म्हणून परंपरेनुसार त्यांच्या पंचमीच्या कार्यक्रमात ही निवड करण्यात आली.
संत रामराव महाराज यांचा पुढील वारसा चालविण्याकरीता भीमा नायक, खेमा नायक व हेमा नायक यांच्या घराण्यांची बैठक घेण्यात आली. त्यांच्या वारसांनी एकमताने संत रामराव महाराज यांचे वंशज महंत बाबूसिंग महाराज यांची गोरधर्मपीठाधीश म्हणून एकमताने निवड केली व तशी माहिती जाहीर केली.
यावेळी उमरी, वाईगौळ व पोहरादेवी येथील तिन्ही घराण्यातील महाराजांचे वंशज हरीचंद राठोड, अनिल राठोड, महंत कबीरदास महाराज, महंत सुनील महाराज, महंत जितेंद्र महाराज, महंत संजय महाराज, महंत यशवंत महाराज व संत रामराव बापू यांचे निकटवर्तीय भक्तगण यांची उपस्थिती होती.
या वेळी संत रामराव महाराज यांच्या समाधीस्थळी पंचकलश ठेवण्यात आले व सर्व वंशजांनी मंदिर निर्माणाच्या कार्यास सुरुवात केली व रामरावबापू यांचा अस्थीकलश देशभर फिरवण्याचा संकल्प करण्यात आला. हा कलश पोहरादेवी येथून निघून देशाच्या कानाकोपऱ्यात भक्तांच्या दर्शनासाठी फिरविला जाईल, असे वंशजांच्या वतीने सांगण्यात आले. महंत बाबूसिंग महाराज हे संत रामराव महाराज यांचे पुतणे आहेत. गोरपीठाची गुरूपरंपरा आता महंत बाबूसिंग महाराज हे चालविणार आहेत.
(संपादन - विवेक मेतकर, अकोला)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.