हिवरखेड - वारी येथील वान प्रकल्पाचा (हनुमान सागर) एकूण जलसाठा ९८.२२ टक्क्यांवर पोहचला आहे. त्यामुळे वान प्रकल्पाचे सोमवार, ता. २५ सप्टेंबर रोजी सकाळी १० वाजता एकूण दोन वक्रद्वारे प्रत्येकी २० से.मी. उंचीने उघडण्यात आले.

नदीपात्रात एकूण ३६ घ.मी./से एवढा विसर्ग सोडण्यात येत पाण्याची आवक पाहून विसर्ग वाढविणे/कमी करणे बाबत पुढील निर्णय घेण्यात येईल. तरी नदी काठच्या गावांतील नागरिकांनी सावध राहावे, असे आवाहन वान प्रकल्प शाखा अभियंता नयन लोणारे यांनी केले आहे.

परिसरातील सर्वात मोठे धरण म्हणून प्रसिद्ध असलेले वारी भैरवगड येथील श्री. हनुमान सागर दरवर्षीप्रमाणे या वर्षीही पूर्ण भरून या परिसरातील शेतकऱ्यांच्या उन्हाळ्यातील पिकाचे स्वप्न पूर्ण करेल. या शिवाय ८४ खेडी योजनेंतर्गत येणाऱ्या गावांमधील नागरिकांची तहान भागवेल अशी आशा व्यक्त केली जात आहे.