सोशल मीडियावरील आक्षेपार्ह पोस्टवरून शहरातील जुने शहर पोलिस स्टेशनच्या हद्दीत १३ मे रोजी मध्यरात्री तणावाची स्थिती निर्माण झाली होती. यात रस्त्यावर उभ्या वाहनांची तोडफोड करण्यात आली, तर दुसरीकडे दगडफेकही सुरू होती. दगडफेकीत जखमी झालेले मजुरी करणारे विलास गायकवाड यांचा मृत्यू झाला तर आठ जण जखमी झाले होते.

दरम्यान अकोला दंगलप्रकरणी मोठी अपडेट समोर आली आहे. दंगलीतील मुख्य आरोपी अरबाज खानला अटक करण्यात आली आहे. अरबाजने इंस्टाग्रामवर वादग्रस्त पोस्ट व्हायरल केल्याचा पोलिसांना संशय आहे. अरबाजने बेकायदा जमाव जमवल्याचा आरोप देखील पोलिसांनी केला आहे.

१३ मे रोजी अकोल्यातील हरीहर पेठ येथे दोन गटात मोठा राडा झाला होता.त्यानंतर वाहनांची तोडफोड आणि जाळफोड करत  समाजकंटकांनी धुडगुस घातला होता.

पोलिसांनी दिलेल्या माहितीनुसार, बेकायदेशीर जमाव जमवने. दोन समाजात तेढ निर्माण करणे. दंगल व्हावी म्हणून कट रचणे, पुराव्यांच्या आधारावर पोलिसांनी आरोपीला अटक केली आहे. या प्रकरणात आतापर्यंत १४८ जणांवर कारवाई करण्यात आली आहे.