देऊळगाव राजा (जि. बुलडाणा) : पंढरपूर येथे धार्मिक सप्ताह संपवून गावाकडे परतणारा ४०७ वाहन पलटी होऊन झालेल्या अपघातात एक महिला गंभीर तर पंचवीस ते तीस भाविक जखमी झाल्याची घटना आज (ता.७) सायंकाळी मेरा खुर्द शिवारात घडली याबाबत अंढेरा पोलिसांनी वाहन चालकाविरुद्ध गुन्हा नोंदविला.

याबाबत पोलिस सूत्रांकडून प्राप्त माहितीनुसार, जळगाव जामोद तालुक्यातील खांडवी परिसरातील लहान-मोठे 35 ते 40 भाविक पंढरपूर येथे धार्मिक सप्ताह साठी एम एच06 जी 8413 क्रमांकाच्या 407 वाहनाने गेले होते धार्मिक सप्ताह संपवून गावाकडे परत जात असताना आज सायंकाळी चारच्या सुमारास भाविकांच्या वाहनावरील चालकाचा ताबा सुटला व भरधाव 407 वाहन दुभाजकावर आदळून पलटी झाले.

सदर अपघातात फिर्यादी यांच्या पत्नीस डोक्याला जबर मार लागून जखमी झाले व लहान-मोठे पंचवीस ते तीस भाविक जखमी झाले जखमींना चिखली येथील ग्रामीण रुग्णालयात प्रथमोपचार करण्यात आले. सदर अपघात प्रकरणी शिवाजी रामदास गणेश वय 51 राहणार खांडवी तालुका जळगाव जामोद व सरकार तर्फे पोलीस कॉन्स्टेबल भारत पोफळे यांच्या फिर्यादीवरून खंडेराव पोलिसांनी आरोपी वाहनचालक अनिल महादेव गणेश याच्याविरुद्ध निष्काळजीपणाने वाहन चालवून भाविक प्रवाशांच्या जखमी होण्यास कारणीभूत ठरल्या प्रकरणी गुन्हा नोंदविण्यात आला पोलीस हेडकॉन्स्टेबल अच्युतराव शिरसाट तपास करीत आहे.