Balapur: बाळापूर ते पातूर मार्गावर दरोडा टाकण्याच्या तयारीत असलेल्या सात अट्टल दरोडेखोरांना बाळापूर पोलिसांनी शिताफीने जेरबंद केले.

या दरोडेखोरांच्या ताब्यातून एका वाहनासह एक देशी बनावटीची पिस्टल, ७ जिवंत राउंड, वेगवेगळ्या कंपणीचे मोबाईल,नगदी रक्कम, दरोड्याचे साहित्य व मिर्ची पुड असा ७ लाख ८५ हजार रुपयांचा मुद्देमाल जप्त करण्यात आला.

वाडेगाव ते पातूर मार्गावर गुरुवारी सायंकाळी पावणे सहा वाजताच्या सुमारास ही कारवाई करण्यात आली आहे. बाळापूर उपविभागीय पोलीस अधिकारी गोकुळ राज जी हे कर्तव्यावर असताना आज गुरुवारी सायंकाळच्या सुमारास खामगाव येथून एमएच ३७ एडी ३४९० ही इर्टीगा कार बाळापूरच्या दिशेने निघाली असून त्यामध्ये सात जण बसलेले आहेत, व त्यांच्याकडे अग्निशस्त्र आहेत. अशी माहिती पोलीस उपअधीक्षक गोकुळ राज जी यांना खबऱ्याने दिली.

माहिती मिळताच बाळापूर ठाणेदार अनिल जुमळे, सहा पोलिस निरीक्षक पंकज कांबळे, समाधान रिठे, विनोद घुईकर, सहा पोलिस उपनिरीक्षक विनायक पवार, सिरसाठ, शिवकुमार वर्मा, संजय वानखडे, पोलीस कर्मचारी सैय्यद शारीक, संतोष सोळंके, संतोष करंगळे, अंकुश मोरे, रफीक शेख, विजय गिऱ्हे, नाईक पोलिस हवालदार संजीव कोल्हटकर, गणेश गावंडे, सतिष वाडेकर, पोकॉ. अक्षय देशमुख, प्रविण अवचार, मोहन ढाकरे, विठ्ठल उकर्डे, गजानन शिंदे, मनिष ठाकरे यांनी बाळापूर पातूर मार्ग गाठला.

नाकाबंदी दरम्यान अडकले दरोडेखोर

पोलीसांनी तातडीने वाडेगाव ते पातूर मार्गावर नाकाबंदी केली. यादरम्यान बाळापूर कडून पातूरच्या दिशेने जाणारे वाहन पोलिसांच्या दृष्टीस पडले. पोलिसांनी वाहन अडवले. यावेळी वाहनात सात जण बसले होते.

कारमध्ये पोलिसांना एक देशी बनावटीची पिस्टल व ०७ जिवंत राउंड (कि.अं. २५ हजार रूपये), तसेच वेगवेगळ्या कंपणीचे मोबाईल (किं.अं.६० हजार रूपये), एक पांढऱ्या रंगाची इर्टीगा कार (किंमत ७ लाख रुपये), लाल तिखट पावडर, दोरी, टॉर्च, चाकू असे दरोडा टाकण्याच्या साहीत्यासह सात लाख ८५ हजार रुपयांचा आढळून आला.

सात दरोडेखोरांना अटक

राहुल भगवान खिल्लारे (वय २६ वर्ष), रा. शाहूनगर हिंगोली, ऋतिक कल्यानराव वाढवे (वय २१ वर्ष), रा. पिंपळखेड जि. हिंगोली, सुर्यकिरण बळीराम चोरमल (वय २३ वर्ष), रा. इसापूर रमना, ता. जि. हिंगोली, अंकुश रमेश कंकाळ (वय २२ वर्ष), रा.सावरगाव (बर्डी) ता. जि. वाशिम, नितेश मधुकर राऊत (वय ३५ वर्ष) रा. जांभरूण जहाँगीर ता.जि. वाशिम, सुमित शेषराव पुंडगे वय २२ वर्ष रा. पिंपळखेड जि. हिंगोली, देवानंद अमृता इंगोले (वय २६ वर्ष), रा. सावळी ता.जि. वाशिम यांना पोलिसांनी ताब्यात घेऊन गुन्हा दाखल केला आहे.