अकोला : आढावा बैठका घेवूनही कामांची गती वाढत नाही. त्यामुळे आता अधिकाऱ्यांची जबाबदारी निश्चित करण्याचा आदेश महानगरपालिका आयुक्त कविता द्विवेदी यांनी दिललाआहे. आयुक्त रुजु झाल्यापासून अनेक आढावा बैठका झाल्यात. दर आठवड्याला बैठक घेवूनही कामांची गती जैसे थे आहे. दर सोमवारी विविध विभागाची आढावा बैठक घेतल्यानंतर आयुक्तांना अपेक्षित असलेली कामाची गती वाढलेली नाही. त्यामुळे त्यांनी सोमवार, ता २२ नोव्हेंबर रोजी झालेल्या आढावा बैठकीत काम चुकार करणाऱ्या काही विभागावर तीव्र नाराजी व्यक्त केली.
कामासाठी मुदत देवूनही प्रत्यक्षात कामात कोणतीच प्रगती होत नसल्याने प्रशासनाच्या कामकाजावर बोट ठेवले जात आहे. ही योग्य बाब नाही. त्यामुळे कामांना गती येण्यासाठी आणि नागरिकांना तत्काळ दिलासा मिळण्यासाठी संबंधित अधिकाऱ्यांची जबाबदारी निश्चित करणे गरजेचे आहे. जबाबदारी निश्चित करून कामे मार्गी लावण्यचा आदेश दिला.
ज्या विभागाचे कामकाज संथ गतीने सुरू आहे, अशा काही विभागांना आयुक्त कविता द्विवेदी यांनी चांगलेच धारेवर धरले. या बैठकीला नगररचना विभाग, सार्वजनिक बांधकाम विभाग, प्रशासन विभाग, लेखा विभाग, मालमत्ता कर विभाग, पाणी पुरवठा विभाग, स्वच्छता विभाग, आरोग्य विभाग, विद्युत विभागाचे विभाग प्रमुख तसेच पूर्व, पश्चिम, उत्तर आणि दक्षिण झोनचे झोनल अधिकारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.