अकोला   ः महानगरातील विद्यार्थ्यांना विज्ञान शाखेत सहजरित्या प्रवेश घेता यावा यासाठी अकरावी विज्ञान शाखेची आॅनलाईन प्रवेश प्रक्रिया मंगळवार (ता. ११) पासून सुरू झाली आहे. विद्यार्थी उपलब्ध संकेतस्थळावर प्रवेश अर्ज २० ऑगस्टपर्यंत ऑनलाईन पद्धतीने करू शकतील.

दहावीचा निकाल लागण्यानंतर आता विद्यार्थी व त्यांचे पालक महाविद्यालयांमध्ये अकरावी प्रवेशासाठी धाव घेत आहेत. त्यामुळे विज्ञान शाखेच्या विद्यार्थ्यांना अकरावीत प्रवेश मिळावा यासाठी शिक्षण विभागाकडून आॅनलाईन प्रवेश प्रक्रिया सुरू केली आहे.