बुलडाणा : देशातील सर्वात मोठी पतसंस्था असलेल्या बुलडाणा अर्बन च्या व्यवहारांची आयकर विभागाच्या अधिकाऱ्यांकडून बुधवार (ता. २७) दुपारपासून चौकशी सुरू आहे. या संदर्भात कोणतीही अतिरिक्त माहिती मिळू शकली नाही.

बुधवार (ता. २७) दुपारी सुमारे चार वाजे नंतर आयकर विभागाचे अधिकारी बुलडाण्यात दाखल झाले. ११ अधिकारी बुलडाणा अर्बन संस्थेमध्ये चौकशीसाठी दाखल झाले. याबाबत मोठी गुप्तता पाळण्यात आली.

सायंकाळ दरम्यान पतसंस्थे बाहेर पोलिसांचा चोख बंदोबस्त ठेवण्यात आला होता. हे अधिकारी नेमके कशासाठी आले किंवा कोणत्या व्यवहारांची चौकशी करणार आहेत या संदर्भात अधिकृत माहिती मिळू शकली नाही.

यासंदर्भात पतसंस्थेचे संस्थापक अध्यक्ष राधेश्याम चांडक व मॅनेजिंग डायरेक्टर डॉ. सुकेश झंवर यांच्याशी संपर्क करण्याचा प्रयत्न केला, मात्र त्यांच्याकडून कोणताही प्रतिसाद मिळाला नाही.