वाशीम : जिल्ह्यातील डव्हा येथील मंदिरात रखवालदार असलेल्या वृद्ध दाम्पत्याची तीक्ष हत्याराने हत्या करण्यात आली. ही घटना रविवारी (ता. १९) सकाळी उघडकीस आली आहे. या हत्येने जिल्ह्यात खळबळ उडाली आहे.

मालेगाव तालुक्यातील डव्हा येथील रहिवासी असलेले गजानन निंबाळकर आणि निर्मला निंबाळकर हे चाका तीर्थ प्रकल्प परिसरात असलेल्या मंदिरात रखवालदार म्हणून राहत होते. त्यांची हत्या झाल्याची घटना रविवारी दुपारच्या सुमारास उघड झाल्याने परिसरात एकच खळबळ उडाली.

हत्या नेमकी कुणी केली आणि कशासाठी केली याचा शोध घेणे पोलिसांसमोर आवाहन असणार आहे. जिल्हा पोलिस अधीक्षक वसंत परदेशी यांच्या मार्गदर्शनाखाली जऊळका, पोलिस श्वान पथकाच्या मदतीने पुढील तपास करीत आहे.