अकोला ः शिक्षण हक्क अधिनियमाअंतर्गत (आरटीई) शाळा प्रवेशासाठी काढण्यात आलेल्या पहिल्या सोडतीमध्ये प्रवेशासाठी पात्र ठरलेल्या एक हजार ८१७ विद्यार्थ्यांपैकी १ हजार ३०३ विद्यार्थ्यांचेच गुरुवार (ता. ८) पर्यंत निश्चित प्रवेश झाले आहेत. त्यासोबतच ६२६ विद्यार्थ्यांना तात्पुरत्या स्वरुपात प्रवेश देण्यात आले आहेत. दरम्यान, प्रवेशाची अंतिम मुदत ९ जुलै रोजी संपत असल्याने प्रवेश प्रक्रियेला पुन्हा मुदतवाढ मिळण्याची शक्यता आहे. (RTE expires today; 1 thousand 303 definite admissions so far!)
गरीब व आर्थिकदृष्ट्या दुर्बल असलेले पालक जास्त प्रवेश शुल्क असलेल्या शाळांमधून आपल्या मुलांना शिकवू शकत नव्हते; मात्र आरटीईमुळे अशा पालकांचे त्यांच्या मुलांना खासगी शाळांमधून शिकवण्याचे स्वप्न साकार होत आहे. दरम्यान यंदा आरटीई कोट्यातून प्रवेश मिळावा, यासाठी ४ हजार ७०७ ऑनलाईन अर्ज करण्यात आले. क्षमतेपेक्षा २ हजार ७४७ जास्त अर्ज आले आहेत. परंतु प्रत्यक्षात १ हजार ८१७ विद्यार्थ्यांनाच प्रवेश देण्यात येणार आहे. त्यासाठीची प्रक्रिया शाळा स्तरावर सुरु झाली आहे. प्रवेश प्रक्रियेला एकवेळा मुदतवाढ देण्यात आल्यानंतर प्रवेशाची मुदत ९ जुलै रोजी संपत आहे. त्यामुळे शासनाच्या पुढील निर्देशाकडे पालकांचे लक्ष लागले आहे.
संपादन - विवेक मेतकर
RTE expires today; 1 thousand 303 definite admissions so far!
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.