जऊळका (जि. वाशीम) : येथील पोलीस स्टेशनमध्ये सौ संजीवनी महादेव भारती यांनी फिर्याद दिली की आरोपी माझा दिर प्रमोद भारती हा माझ्या सासरा धर्मा भारती यांना शिवीगाळ करून म्हणत होता की माझे लग्न का करून देत नाही मला मुंजा ठेवता का असे बोलू लागला. त्यावेळी माझे सासरे त्याला म्हणाले की शिविगाळ करू नको तुला कोणत्या मुलीशी लग्न करायचे ते कर मला काही सांगु नको तेव्हा माझ्या दिराने घरात असलेल्या कुऱ्हाडीने सासरच्या डोक्यावर व दोन्ही पायावर मारहाण करून गंभीर जखमी केले व लाथा भुक्या ने सुद्धा मारहाण केली.

माझ्या पतीस सुध्दा शिवीगाळ करून जीवे मारण्याची धमकी दिली, अशी माहिती सौ संजीवनी महादेव भारती यांनी जऊलका पोलीस स्टेशन जबानी दिली आहे. धम्मा भारती हे अंध होते. त्यांना मारहाण जास्त गंभीर झाली होती ही घटना काल रात्री घडली. त्यामुळं गावात एकचं खळबळ उडाली असून, घटनेची माहिती मिळताच जऊळका पोलीस घटनास्थळी पोहचून त्यांना जऊलका येथील शासकीय रुग्णालयात सोयी सुविधा न भेटल्या मुळे त्यांना अकोला येथे हलविण्यात आले.

त्यांचा उपचारा दरम्यान मृत्यू झाला तपास केला असता पोटच्या मुलानेच हत्या केल्याचं उघड झाले आहे. मुलगा प्रमोद भारती यांनीच हत्या केल्याचं पोलीस तपासात उघड झाले असून, प्रमोद विरुद्ध 307 302 अंतर्गत खुनाचा गुन्हा दाखल केला आहे. आरोपींला अटक केली असून,पुढील तपास जऊळका पोलीस स्टेशन चे पोलीस निरीक्षक अजिनाथ मोरे करीत आहे