अकोला : जिल्ह्यातील(akola) ११ लाखांवर नागरिकांना आतापर्यंत कोरोनाचा पहिला डोस(corona vaccine first dose) घेतला आहे. सोमवारी (ता. २७) दुपारी जिल्ह्यातील पहिल्या डोस घेणाऱ्यांच्या संख्येने अकरा लाखांचा आकडा ओलांडला. त्यामुळे ही बाब जिल्ह्यासाठी दिलासादायक असली तर दुसरा डोस घेणाऱ्यांची संख्या अद्याप कमीच असल्याने ती वाढवण्यासाठी नागरिकांना प्रोत्याहित करणे आवश्यक असल्याचे मत डॉक्टरांनी व्यक्त केले आहे. देशात कोरोना विषाणूचा() corona प्रादुर्भाव कमी होत असतानाच १६ जानेवारी २०२१ रोजी देशात कोविड-१९ विरोधात लसीकरण मोहीम सुरू करण्यात आली. लसीकरणाच्या पहिल्या टप्प्यात कोरोना योद्धा व वैद्यकीय कर्मचाऱ्यांचे लसीकरण(vaccination) करण्यात आले.

त्यानंतर १ मार्चपासून शासनाने ६० वर्षांवरील ज्येष्ठ नागरिक व दुर्धर आजारग्रस्तांचे लसीकरण करण्याच्या सूचना आरोग्य विभागाला दिल्या होत्या. १ एप्रिलपासून ४५ ते ५९ वयोगटातील नागरिकांसह दुर्धर आजारग्रस्त व १ मे पासून १८ वर्षावरील नागरिकांसाठी लसीकरण मोहीम खुली करण्यात आली.

या वयोगटातील लाभार्थ्यांची संख्या अधिक असल्याने अधिक प्रमाणात नागरिक कोरोनाची लस घेत आहेत. परंतु त्यानंतर सुद्धा जिल्ह्यातील बहुतांश नागरिकांनी अद्याप कोरोनाची लस न घेतल्याने आरोग्य विभागामार्फत कोरोना प्रतिबंधात्मक लसीकरण अधिक गतीने करण्याचे अभियान हाती घेतले आहे. त्यानुसार आगामी १४ ऑक्टोबरपर्यंत जिल्ह्यात कवच कुंडल अभियान राबवण्यात आले. त्यासोबतच महाविद्यालयीन विद्यार्थ्यांना कोरोनाची लस देण्यात आली. यासर्वच प्रयत्नांमुळे आता लसीकरणाची गती वाढली आहे.

असे करण्यात आले लसीकरण

पहिला डोस - ११ लाख ४१४ नागरिक

दुसरा डोस - ५ लाख ८१ हजार ७७२ नागरिक

दोन्ही डोस - १६ लाख ८२ हजार १८६ नागरिक