संग्रामपूर : सातपुडा पर्वताच्या पायथ्याशी व महाराष्ट्र राज्याचे शेवटचे टोक म्हणून असलेल्या सोनाळा येथील तरुणाने युरोप मधून येऊन मतदानाचा हक्क बजावला. बुलढाणा लोकसभा निवडणूक मध्ये बऱ्याच मतदारांनी नाराजी दाखवत आपले कर्त्यव्य बजावले नाही. मात्र दुसरे देशात असताना आपल्या देशातील लोकशाहीचा अभिमान असल्याचे सदर तरुणाने मतदान करून दाखवून दिले.

संग्रामपूर तालुक्यातील सोनाळा येथील मयूर बाठे हा युवक गेल्या तीन वर्षांपासून युरोप देशातील रोमानिया शहरात खाजगी नोकरी साठी स्थायिक आहे. परदेशात नोकरी कामाने असले तरी देशाभिमान महत्वाचं मानून लग्ना साठी आलेल्या मयूर ने अगोदर मतदाना ला प्राधान्य देत मित्रा सोबत जिल्हा परिषद मराठी प्राथमिक मुलांची शाळा येथे जाऊन मतदान केले .

मयूर चे लग्न आणि मतदान एकाच दिवशी दि 26 एप्रिल ला होते. लग्न लागण्यासाठी अकोला येथे जाणार होते त्या पूर्वी मतदान करून च जाण्याचा निर्णय मयूर ने घेतला. याच गावातील दुसरे नवरदेव भूषण शेटे यांनी पण मयूर प्रमाणे लग्ना आधी मतदान ला प्रथम प्राधान्य देऊन आपले कर्तव्य बजावले.

या वेळी मतदान केंद्रावर सोनाळा येथील प्रथम नागरिक सरपंच हर्षल खंडेलवाल, सर्व अधिकारी,तलाठी,मतदान केंद्रावरील BLO यांनी दोन्ही वराचे आभार मानून त्यांचे स्वागत केले. व दोघांना पुढील सांसारिक जीवनासाठी शुभेच्छा दिल्या.मतदान हा आपला जन्म सिध्द हक्क आहे.सर्वांनी मतदान करावे.असे या दोन्ही नवर देवां कडून तरुणाईला संदेश दिला आहे.