अकोला ः गेल्या काही दिवसांपासून पावसाने उघडदीप दिली आहे. मात्र आता पुन्हा पावसाचे वातावरण निर्माण होऊ लागले असून, पुढील दोन दिवस अकोल्यासह विदर्भात अतिवृष्टीचा इशार हवामान तज्ज्ञांनी दिला आहे.
यावर्षी सुद्धा मॉन्सूनचे आगमन अपेक्षित वेळेत झाले नाही. त्यामुळे वार्षिक सरासरीनुसार यंदा पाऊस पडेल की नाही याची सर्वांना चिंता होती. मात्र आगनानंतर कमी जास्त प्रमाणात पावसाने हजेरी लावल्याने व एक-दोन जोरदार ठोक झाल्याने, पिकांसाठी पोषक पर्जन्यमान झाले. शिवाय जलाशयांमध्येही समाधानकारक जलसाठा निर्माण झाल्याने चिंतेची मळभ कमी झाली.
मात्र काही दिवसांपासून पुन्हा उघडदीप दिल्याने व उष्णता वाढल्याने शेतकऱ्यांसह नागरिकांची चिंता वाढली होती. परंतु, रविवारी (ता.९) सकाळपासूनच आर्द्रतेचा टक्का वाढून पावसाचे वातावरण निर्माण व्हायला सुरुवात झाली आहे.
परिसरातील हवेचा दाबही पाऊस पडण्यासाठी पोषक असल्याने, पुढील काही तासात जोरदार पावसाची शक्यता हवामान तज्ज्ञांनी वर्तविली आहे.
विदर्भासोबत जालना, हिंगोली, यवतमाळ, नांदेड या जिल्ह्यात संततधार पावसाची शक्यता असून, मेळघाट अमरावती, अकोला, वाशीम, यवतमाळ जिल्ह्यांमध्ये काही ठिकाणी अतिवृष्टी होवू शकते. इतर ठिकाणी मध्यम स्वरूपात पाऊस बरसण्याची शक्यता आहे.
- संजय अप्तुरकर, हवामान तज्ज्ञ, नागपूर
(संपादन - विवेक मेतकर)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.