वाशीम : दिवाळीचे पर्व सुरू झाले असून वाशीम कृषी उत्पन्न बाजार समिती सलग सहा दिवस बंद ठेवण्यात आली आहे. मंगळवारी (ता. दोन) बंद होणारी ही बाजार समिती आता सोमवारी (ता. आठ) पूर्ववत होईल, अशी सूचना काढण्यात आली आहे.
बाजार समितीच्या वतीने सोमवारी (ता. एक) काढलेल्या सूचनेनुसार २ ते ७ नोव्हेंबर या काळात बाजार समिती दिवाळीनिमित्त बंद राहील, असे म्हटले आहे. शेतकरी, अडते, हमाल, मदतनीस यांच्यासाठी हे आवाहन करण्यात आले आहे.

सोमवारी (ता. ८) बाजार पुन्हा सुरू होईल.
सोयाबीन, हरभरा, मूग, उडीद, गहू, ज्वारी आदी शेतमालाची खरेदी बंद राहणार आहे. बाजार यापुढे सर्व हर्राशी सकाळी साडे दहा वाजता सुरू होईल. सकाळी सात ते दुपारी तीन वाजेपर्यंत शेतमाल स्वीकारल्या जाईल, असे बाजार समितीने म्हटले आहे.