अकोला : एप्रिलच्या पहिल्या आठवड्यात जिल्ह्यामध्ये उष्णतेच्या लाटेसह पारा ४४ अंशापार गेला होता. आता पुन्हा १८ ते २० एप्रिल दरम्यान अकोल्यात उष्णतेच्या लाटेचा इशारा हवामान विभागाने दिला आहे. यावर्षी नेहमीपेक्षा थोडा लवकरच म्हणजे मार्चच्या सुरुवातीपासूनच तीव्र उन्हाळा जाणवायला लागला आणि एप्रिलच्या पहिल्याच आठवड्यात म्हणजे ३ ते ८ एप्रिल या कालावधित पारा ४४ अंशापार गेला. त्यामुळे यावर्षी एप्रिलमध्येच किमान तापमान ४५ अंश सेल्सिअसचा आकडा पार करेल व उन्हाळ्यात उचांकी तापमान नोंदीचे अंदाज बांधले जाऊ लागले.
एप्रिलच्या तिसऱ्या आठवड्यात पुन्हा पारा ४३ व ४२ अंशावर आल्याने अकोलेकरांना काही प्रमाणात दिलासा मिळाला होता. मात्र, कमाल तापमान ४२ अंश सेल्सिअसपेक्षा अधिकच असल्याने उष्ण झळा कायम होत्या. आजपासून म्हणजे १८ ते २० एप्रिल दरम्यान पुन्हा उष्णतेच्या लाटेचा इशारा हवामान विभागाने दिल्यामुळे पारा ४५ अंशापार जाण्याची शक्यता असून, यावर्षी तीव्र उन्हाळ्याचे संकट कायम राहणार आहे.
उष्णतेची लाट
तारीख - कमाल तापमान
(अंश सेल्सि.)
३ एप्रिल ४४.०
४ एप्रिल ४४.१
५ एप्रिल ४४.२
६ एप्रिल ४४.०
७ एप्रिल ४३.९
८ एप्रिल ४४.०
एप्रिलचा दुसरा आठवडा
तारीख - कमाल तापमान
(अंश सेल्सि.)
१० एप्रिल ४३.९
११ एप्रिल ४३.७
१२ एप्रिल ४३.०
१३ एप्रिल ४२.३
१४ एप्रिल ४३.६
१५ एप्रिल ४२.९
१६ एप्रिल ४३.७
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.